ਰੇਲਵੇ ਨੇ ਦਿੱਤੀ ਵੱਡੀ ਰਾਹਤ, ਅਨਰਿਜ਼ਰਵ ਤੇ ਪਲੇਟਫਾਰਮ ਟਿਕਟਾਂ ਪ੍ਰਾਪਤ ਕਰਨਾ ਹੋਇਆ ਹੁਣ ਆਸਾਨ
ਦਿੱਲੀ, 29 ਅਪ੍ਰੈਲ (ਡੇਲੀ ਪੋਸਟ ਪੰਜਾਬੀ)- ਅਨਰਿਜ਼ਰਵਡ ਟਿਕਟਾਂ ‘ਤੇ ਸਫਰ ਕਰਨ ਵਾਲੇ ਰੇਲਵੇ ਯਾਤਰੀਆਂ ਨੂੰ ਵੱਡੀ ਰਾਹਤ ਮਿਲਣ ਵਾਲੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਹੁਣ ਯਾਤਰੀ UTS ਯਾਨੀ ਅਨਰਿਜ਼ਰਵਡ ਟਿਕਟ ਸਿਸਟਮ ਰਾਹੀਂ ਕਿਸੇ ਵੀ ਸਟੇਸ਼ਨ ਤੋਂ ਕਿਤੇ ਵੀ ਅਣਰਿਜ਼ਰਵਡ ਟਿਕਟ ਬੁੱਕ ਕਰ ਸਕਦੇ ਹਨ। ਹਾਲਾਂਕਿ ਇਹ ਸਹੂਲਤ ਸਟੇਸ਼ਨ ਦੇ ਬਾਹਰ ਹੀ ਉਪਲਬਧ ਹੋਵੇਗੀ। ਰੇਲਵੇ ਨੇ ਜੀਓ ਫੈਂਸਿੰਗ ਦੀ ਅੰਦਰੂਨੀ ਸੀਮਾ ਬਣਾਈ ਰੱਖੀ ਹੈ।
ਇਕ ਰਿਪੋਰਟ ਮੁਤਾਬਕ ਰੇਲਵੇ ਅਧਿਕਾਰੀ ਸੌਰਭ ਕਟਾਰੀਆ ਦਾ ਕਹਿਣਾ ਹੈ ਕਿ ਹੁਣ ਰੇਲਵੇ ਯਾਤਰੀ ਘਰ ਬੈਠੇ ਕਿਸੇ ਵੀ ਸਟੇਸ਼ਨ ਤੋਂ ਅਨਰਿਜ਼ਰਵਡ ਅਤੇ ਪਲੇਟਫਾਰਮ ਟਿਕਟਾਂ ਬੁੱਕ ਕਰਵਾ ਸਕਦੇ ਹਨ। ਖਾਸ ਗੱਲ ਇਹ ਹੈ ਕਿ ਜੀਓ ਫੈਂਸਿੰਗ ਦੀ ਅੰਦਰੂਨੀ ਸੀਮਾ ਜਾਰੀ ਰਹੇਗੀ। ਇਸ ਦਾ ਮਤਲਬ ਹੈ ਕਿ ਨਵੀਂ ਸਹੂਲਤ ਸਟੇਸ਼ਨ ਦੇ ਬਾਹਰ ਹੀ ਉਪਲਬਧ ਹੋਵੇਗੀ। ਰੇਲਵੇ ਨੇ ਜੀਓ ਫੈਂਸਿੰਗ ਦੀ ਬਾਹਰੀ ਸੀਮਾ ਨੂੰ ਖਤਮ ਕਰਨ ਦਾ ਫੈਸਲਾ ਕੀਤਾ ਹੈ। ਖਾਸ ਗੱਲ ਇਹ ਹੈ ਕਿ ਪਹਿਲਾਂ ਜੀਓ ਫੈਂਸਿੰਗ ਦੀ ਬਾਹਰੀ ਸੀਮਾ 50 ਕਿਲੋਮੀਟਰ ਸੀ। ਇਸ ਤਹਿਤ ਕੋਈ ਵੀ ਯਾਤਰੀ 50 ਕਿਲੋਮੀਟਰ ਦੇ ਦਾਇਰੇ ਵਿੱਚ ਸਟੇਸ਼ਨ ਤੋਂ ਅਨਰਿਜ਼ਰਵਡ ਜਾਂ ਪਲੇਟਫਾਰਮ ਟਿਕਟ ਖਰੀਦ ਸਕਦਾ ਹੈ। ਹੁਣ ਨਵੀਂ ਪ੍ਰਣਾਲੀ ਤਹਿਤ ਇਹ ਪਾਬੰਦੀ ਹਟਾ ਦਿੱਤੀ ਗਈ ਹੈ। UTS ਦੀ ਮਦਦ ਨਾਲ ਯਾਤਰੀਆਂ ਨੂੰ ਸਟੇਸ਼ਨ ਦੀ ਟਿਕਟ ਖਿੜਕੀ ਦੇ ਬਾਹਰ ਲੰਬੀਆਂ ਕਤਾਰਾਂ ਤੋਂ ਰਾਹਤ ਮਿਲ ਸਕਦੀ ਹੈ। ਨਾਲ ਹੀ, ਰੇਲ ਯਾਤਰਾ ਹੋਰ ਸੁਵਿਧਾਜਨਕ ਬਣਨ ਦੀ ਉਮੀਦ ਹੈ।
ਭਾਰਤੀ ਰੇਲਵੇ ਨੇ ਗਰਮੀਆਂ ਦੇ ਮੌਸਮ ਵਿੱਚ ਹੋਰ ਟਰੇਨਾਂ ਚਲਾਉਣ ਦਾ ਫੈਸਲਾ ਕੀਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਰੇਲਵੇ ਦਾਦਰ-ਗੋਰਖਪੁਰ, LTT ਮੁੰਬਈ-ਗੋਰਖਪੁਰ ਅਤੇ CSMT ਮੁੰਬਈ-ਦਾਨਾਪੁਰ ਵਿਚਕਾਰ ਸਪੈਸ਼ਲ ਟਰੇਨਾਂ ਚਲਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਟਾਈਮਜ਼ ਆਫ਼ ਇੰਡੀਆ ਦੀ ਰਿਪੋਰਟ ਦੇ ਅਨੁਸਾਰ, ਇੱਕ ਅਧਿਕਾਰੀ ਨੇ ਕਿਹਾ ਸੀ, ‘ਮੁਸਾਫਰਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਇਹ ਸਾਰੀਆਂ ਰੇਲਗੱਡੀਆਂ ਰਿਜ਼ਰਵਡ ਹੋਣਗੀਆਂ ਅਤੇ ਸੁਪਰਫਾਸਟ ਮੇਲ/ਐਕਸਪ੍ਰੈਸ ਟਰੇਨਾਂ ਲਈ ਲਾਗੂ ਚਾਰਜ ‘ਤੇ ਰਵਾਨਗੀ ਤੋਂ ਪਹਿਲਾਂ ਯੂਟੀਐਸ ਸਿਸਟਮ ਦੁਆਰਾ ਬੁੱਕ ਕੀਤੀਆਂ ਜਾਣਗੀਆਂ।’
