ਅਹਿਮ ਖ਼ਬਰ – ਕਾਨਿਆਵਾਲੀ, ਡੋਡ ਅਤੇ ਪਿੰਡ ਦੀਪ ਸਿੰਘ ਵਾਲਾ ਦੇ ਵਿਕਾਸ ਕਾਰਜਾਂ ਲਈ 23.54 ਲੱਖ ਰੁਪਏ ਦੀ ਰਾਸ਼ੀ ਹੋਈ ਜਾਰੀ – ਵਿਧਾਇਕ ਸੇਖੋਂ
ਫਰੀਦਕੋਟ, 21 ਮਾਰਚ – (ਪੰਜਾਬ ਡਾਇਰੀ) ਪਿੰਡ ਕਾਨਿਆਂਵਾਲੀ, ਡੋਡ ਅਤੇ ਦੀਪ ਸਿੰਘ ਵਾਲਾ ਵਿੱਚ ਗਲੀਆਂ, ਡਰੇਨਾਂ ਅਤੇ ਪਾਣੀ ਦੇ ਨਿਪਟਾਰੇ ਲਈ ਪਾਈਪਾਂ ਪਾਉਣ ਸਬੰਧੀ ਸਰਕਾਰ ਵੱਲੋਂ 23.54 ਲੱਖ ਰੁਪਏ ਦੀ ਰਾਸ਼ੀ ਜਾਰੀ ਕੀਤੀ ਗਈ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਵਿਧਾਇਕ ਫਰੀਦਕੋਟ ਸ. ਗੁਰਦਿੱਤ ਸਿੰਘ ਸੇਖੋਂ ਨੇ ਦੱਸਿਆ ਕਿ ਹਲਕੇ ਦੇ ਵਿਕਾਸ ਦੇ ਲਈ ਉਨ੍ਹਾਂ ਵੱਲੋਂ ਲਗਾਤਾਰ ਯਤਨ ਕੀਤੇ ਜਾ ਰਹੇ ਹਨ। ਇਸੇ ਲੜੀ ਦੇ ਤਹਿਤ ਪਿੰਡ ਕਾਨਿਆਵਾਲੀ ਵਿੱਚ ਗਲੀਆ ਅਤੇ ਡਰੇਨਾਂ ਦੇ ਨਿਰਮਾਣ ਲਈ 6.54 ਲੱਖ ਰੁਪਏ, ਪਿੰਡ ਡੋਡ ਵਿਖੇ ਪਾਣੀ ਦੇ ਨਿਪਟਾਰੇ ਲਈ ਪਾਈਪਾਂ ਪਾਉਣ ਲਈ 12 ਲੱਖ ਰੁਪਏ ਅਤੇ ਪਿੰਡ ਦੀਪ ਸਿੰਘ ਵਾਲਾ ਵਿਖੇ ਪੰਚਾਇਤ ਘਰ ਵਿੱਚ ਬਿਜਲੀ ਅਤੇ ਬਾਕੀ ਰਹਿੰਦੇ ਕੰਮਾਂ ਲਈ 5 ਲੱਖ ਰੁਪਏ ਦੀ ਰਾਸ਼ੀ ਜਾਰੀ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਇਸ ਲਈ ਪੰਚਾਇਤੀ ਰਾਜ ਵੱਲੋਂ ਟੈਂਡਰ ਲਗਾਏ ਜਾ ਚੁੱਕੇ ਹਨ ਅਤੇ ਜਲਦੀ ਹੀ ਕੰਮ ਸ਼ੁਰੂ ਹੋ ਜਾਵੇਗਾ।
