ਐਕਯੂਪ੍ਰੈਸ਼ਰ ਨਾਲ ਹਰ ਤਰਾਂ ਦੀਆਂ ਬਿਮਾਰੀਆਂ ਤੋਂ ਛੁਟਕਾਰਾ ਪਾਉਣ ਲਈ ਮੁਫ਼ਤ ਚੈੱਕਅਪ ਕੈਂਪ
ਮਨੁੱਖੀ ਸਰੀਰ ਨੂੰ ਦਵਾਈਆਂ ਤੇ ਜ਼ਹਿਰਾਂ ਦਾ ਗੋਦਾਮ ਬਣਾਉਣਾ ਚਿੰਤਾਜਨਕ : ਢਿੱਲੋਂ
ਕੋਟਕਪੂਰਾ, 9 ਮਈ :- ਸਥਾਨਕ ਬਾਬਾ ਫਰੀਦ ਕਾਲਜ ਆਫ ਨਰਸਿੰਗ ਦੇ ਮੈਨੇਜਿੰਗ ਡਾਇਰੈਕਟਰ ਡਾ. ਮਨਜੀਤ ਸਿੰਘ ਢਿੱਲੋਂ ਵਲੋਂ ਗੁੱਡ ਮੌਰਨਿੰਗ ਵੈੱਲਫੇਅਰ ਕਲੱਬ ਦੇ ਚੇਅਰਮੈਨ ਵਿਨੋਦ ਕੁਮਾਰ ਬਾਂਸਲ (ਪੱਪੂ ਲਹੌਰੀਆ) ਅਤੇ ਡਾ. ਗਗਨਦੀਪ ਗੁਲਾਟੀ ਦੇ ਸਹਿਯੋਗ ਨਾਲ ਸਥਾਨਕ ਗਰੀਨ ਇਨਕਲੇਵ ਵਿੱਚ ਲਾਏ ਜਾ ਰਹੇ ਚਾਰ ਰੋਜਾ ਮੁਫਤ ਹੈੱਲਥ ਚੈੱਕਅਪ ਕੈਂਪ ਦੇ ਚੌਥੇ ਦਿਨ ਉਚੇਚੇ ਤੌਰ ’ਤੇ ਪੁੱਜੇ ਸਾਈਂ ਮੀਆਂਮੀਰ ਇੰਟਰਨੈਸ਼ਨਲ ਫਾਊਂਡੇਸ਼ਨ ਦੇ ਸੰਸਥਾਪਕ ਹਰਭਜਨ ਸਿੰਘ ਬਰਾੜ ਨੂੰ ਜਾਣਕਾਰੀ ਦਿੰਦਿਆਂ ਡਾ. ਗਗਨਦੀਪ ਗੁਲਾਟੀ ਅਤੇ ਡਾ. ਮਨਜੀਤ ਸਿੰਘ ਢਿੱਲੋਂ ਨੇ ਦਾਅਵਾ ਕੀਤਾ ਕਿ ਜਪਾਨੀ ਮਸ਼ੀਨਾ ਨਾਲ ਮਨੁੱਖੀ ਸਰੀਰ ਦਾ ਮੁਕੰਮਲ ਚੱੈਕਅਪ ਕਰਕੇ ਬਿਮਾਰੀਆਂ ਦਾ ਪਤਾ ਲਾਉਣਾ, ਬਿਨਾਂ ਦਵਾਈਆਂ ਦੇ ਹਰ ਤਰਾਂ ਦੇ ਰੋਗ ਨੂੰ ਦੂਰ ਕਰਨਾ ਅਤੇ ਬਿਨਾਂ ਖੂਨ ਕੱਢੇ ਚੈੱਕਅਪ ਨੂੰ ਟੈਸਟਾਂ ਦੀ ਤਰਾਂ ਅਸਾਨ ਬਣਾਉਣ ਵਰਗੀ ਤਕਨੀਕ ਵਿਦੇਸ਼ਾਂ ਵਿੱਚ ਬੜੀ ਪ੍ਰਭਾਵੀ ਹੋ ਰਹੀ ਹੈ। ਡਾ ਢਿੱਲੋਂ ਨੇ ਦੱਸਿਆ ਕਿ ਉਹਨਾਂ ‘ਸਰੀਰ ਨੂੰ ਦਵਾਈਆਂ ਤੇ ਜ਼ਹਿਰਾਂ ਦਾ ਗੋਦਾਮ ਨਾ ਬਣਾਉ-ਐਕਯੂਪ੍ਰੈਸ਼ਰ ਨਾਲ ਬਿਮਾਰੀਆਂ ਤੋਂ ਛੁਟਕਾਰਾ ਪਾਉ’ ਦੇ ਬੈਨਰ ਹੇਠ ਬਾਬਾ ਫਰੀਦ ਹੈੱਲਥ ਕੇਅਰ ਸੈਂਟਰ ਕੋਟਕਪੂਰਾ ਵਿਖੇ ਹਰ ਤਰਾਂ ਦੀ ਬਿਮਾਰੀ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਉਹਨਾਂ ਦੱਸਿਆ ਕਿ ਚਾਰ ਰੋਜਾ ਮੁਫਤ ਚੈੱਕਅਪ ਕੈਂਪ ਦੌਰਾਨ ਬਲੱਡ ਪੈ੍ਰਸ਼ਰ, ਇਸਤਰੀ ਦੇ ਹਰੇਕ ਰੋਗ, ਡਾਇਬਟੀਜ਼ (ਸ਼ੂਗਰ), ਹਾਰਟ ਅਟੈਕ, ਸਾਹ ਫੁੱਲਣਾ, ਥਕਾਵਟ, ਕਮਜੋਰੀ, ਅਧਰੰਗ, ਲਕਵਾ, ਅਨੀਂਦਰਾ, ਗਠੀਆ ਵਾਅ, ਕਬਜ, ਗੈਸ, ਬਵਾਸੀਰ, ਸਰਵਾਈਕਲ, ਥਾਇਰਾਇਡ, ਸਿਰ ਦਰਦ, ਮਾਈਗ੍ਰੇਨ ਆਦਿ ਹਰ ਤਰਾਂ ਦੀਆਂ ਬਿਮਾਰੀਆਂ ਦਾ ਇਲਾਜ ਸਰਲ ਤਰੀਕੇ ਨਾਲ ਕੀਤਾ ਜਾਂਦਾ ਹੈ। ਹਰਭਜਨ ਸਿੰਘ ਬਰਾੜ ਨੇ ਡਾ. ਢਿੱਲੋਂ ਦੇ ਮਨੁੱਖਤਾ ਦੀ ਭਲਾਈ ਵਾਲੇ ਸੇਵਾ ਕਾਰਜਾਂ ਦੀ ਭਰਪੂਰ ਸ਼ਲਾਘਾ ਕੀਤੀ।
