ਡਿਪਟੀ ਕਮਿਸ਼ਨਰ ਨੇ ਝੰਡਾ ਅਖੰਡ ਜੋਤ ਸ਼ੋਭਾ ਯਾਤਰਾ ਦਾ ਪੋਸਟਰ ਕੀਤਾ ਰਿਲੀਜ਼
ਫਰੀਦਕੋਟ, 2 ਅਗਸਤ (ਪੰਜਾਬ ਡਾਇਰੀ)- 47ਵਾਂ ਝੰਡਾ ਅਖੰਡ ਜੋਤ ਸ਼ੋਭਾ ਯਾਤਰਾ ਮੇਲਾ ਮਾਂ ਜਵਾਲਾ ਧਾਰਮਿਕ ਸਮਾਗਮ ਦਾ ਪੋਸਟਰ ਡਿਪਟੀ ਕਮਿਸ਼ਨਰ ਸ੍ਰੀ ਵਿਨੀਤ ਕੁਮਾਰ ਵੱਲੋਂ ਰਿਲੀਜ਼ ਕੀਤਾ ਗਿਆ। ਇਸ ਮੌਕੇ ਆਲ ਇੰਡੀਆ ਹਿੰਦੂ ਵੈਲਫੇਅਰ ਕਮੇਟੀ ਦੇ ਪ੍ਰਧਾਨ ਨਰੇਸ਼ ਕੁਮਾਰ ਸਹਿਗਲ ਅਤੇ ਗੁਰਪਾਲ ਸਿੰਘ ਪਾਲੂ ਮੈਂਬਰ , ਨਰੇਸ਼ ਕੁਮਾਰ ਸਿੰਗਲਾ ਮੀਤ ਪ੍ਰਧਾਨ ਸਹਿਗਲ ਭਜਨ ਮੰਡਲੀ ਕੋਟਕਪੂਰਾ, ਐਡਵੋਕੇਟ ਚੇਤਨ ਸਹਿਗਲ ਅਤੇ ਹੋਰ ਧਾਰਮਿਕ ਆਗੂ ਹਾਜ਼ਰ ਸਨ।
ਇਸ ਮੌਕੇ ਡਿਪਟੀ ਕਮਿਸ਼ਨਰ ਫਰੀਦਕੋਟ ਨੇ ਗੱਲਬਾਤ ਕਰਦਿਆਂ ਜਾਣਕਾਰੀ ਦਿੱਤੀ ਕਿ ਮਿਤੀ 4 ਅਗਸਤ ਨੂੰ ਕੋਟਕਪੂਰਾ ਵਿਖੇ ਜਵਾਲਾ ਜੀ ਹਿਮਾਚਲ ਪ੍ਰਦੇਸ਼ ਤੋਂ ਤੋਂ ਅਖੰਡ ਜੋਤ ਦਾ ਪ੍ਰਕਾਸ਼ ਜੱਥਾ ਪਹੁੰਚਣ ਤੇ 7 ਅਗਸਤ ਨੂੰ ਸਮੂਹ ਸ਼ਹਿਰ ਵਿਖੇ ਝੰਡਾ ਸ਼ੋਭਾ ਯਾਤਰਾ ਸ਼ਰਧਾ ਪੂਰਵਕ ਕੱਢੀ ਜਾਵੇਗੀ ਅਤੇ ਇਹ ਯਾਤਰਾ ਸਹਿਗਲ ਚੌਂਕ ਕੋਟਕਪੂਰਾ ਤੋਂ ਆਰੰਭ ਹੋ ਕੇ ਭਾਰਤ ਡੇਅਰੀ, ਬੱਤੀਆਂ ਵਾਲਾ ਚੌਂਕ, ਰੇਲਵੇ ਰੋਡ, ਪੁਰਾਣੀ ਦਾਣਾ ਮੰਡੀ, ਗੀਤਾ ਭਵਨ ਅਤੇ ਪੁਰਾਣਾ ਸ਼ਹਿਰ ਆਦਿ ਹਲਕੇ ਵਿਚ ਫੇਰੀ ਲਗਾਵੇਗੀ। ਇਸ ਮੌਕੇ ਧਾਰਮਿਕ ਸਮਾਗਮ ਦੇ ਮੁੱਖ ਮਹਿਮਾਨ ਸਪੀਕਰ ਪੰਜਾਬ ਵਿਧਾਨ ਸਭਾ ਕੁਲਤਾਰ ਸਿੰਘ ਸੰਧਵਾਂ ਅਤੇ ਸ੍ਰੀ ਰਮਨ ਬਹਿਲ ਚੇਅਰਮੈਨ ਪੰਜਾਬ ਹੈਲਥ ਸਿਸਟਮ ਕਾਰਪੋਰੇਸ਼ਨ ਹੋਣਗੇ ।
