ਦੋ ਟਰੱਕਾਂ ਦੀ ਹੋਈ ਟੱਕਰ ਨਾਲ ਕਰਿਆਨੇ ਦੇ ਸਾਮਾਨ ਨਾਲ ਭਰਿਆ ਟਰੱਕ ਪਲਟਿਆ
ਗੁਰਦਾਸਪੁਰ, 23 ਜੂਨ (ਬਾਬੂਸ਼ਾਹੀ)- ਅੰਮ੍ਰਿਤਸਰ -ਬਟਾਲਾ – ਜਲੰਧਰ ਬਾਈਪਾਸ ਨੇੜੇ ਅੱਜ ਸਵੇਰੇ ਤੜਕਸਾਰ ਦੋ ਟਰੱਕਾਂ ਦੀ ਟੱਕਰ ਹੋ ਗਈ।ਬਟਾਲਾ ਬਾਈਪਾਸ ਮੋੜ ਤੇ ਹੋਈ ਟੱਕਰ ਦੇ ਚਲਦੇ ਇਕ ਕਰਿਆਨੇ ਦੇ ਸਾਮਾਨ ਨਾਲ ਭਰਿਆ ਟਰੱਕ ਪਲਟ ਗਿਆ। ਉਥੇ ਹੀ ਟਰੱਕ ਡਰਾਈਵਰ ਨੂੰ ਮਾਮੂਲੀ ਸੱਟਾਂ ਵੀ ਆਈਆਂੱ। ਕਰਿਆਨੇ ਦੇ ਸਮਾਨ ਨਾਲ ਲੱਦੇ ਟਰੱਕ ਦੇ ਡਰਾਈਵਰ ਰਾਜਨ ਸ਼ਰਮਾ ਨੇ ਦੱਸਿਆ ਕਿ ਉਹ ਅੰਮ੍ਰਿਤਸਰ ਤੋਂ ਸਾਮਾਨ ਲੈਕੇ ਬਟਾਲਾ ਆ ਰਿਹਾ ਸੀ ਕਿ ਅਚਾਨਕ ਜਦ ਬਟਾਲਾ ਬਾਈਪਾਸ ਨੇੜੇ ਮੋੜ ਮੁੜਨ ਲਗਾ ਤਾਂ ਦੂਸਰੀ ਸਾਈਡ ਤੋਂ ਆ ਰਹੇ ਸੀਮਿੰਟ ਦੇ ਭਰੇ ਟਰੱਕ ਨੇ ਉਸਦੀ ਗੱਡੀ ਦੀ ਪਿਛਲੇ ਪਾਸੇ ਜ਼ੋਰ ਨਾਲ ਟੱਕਰ ਮਾਰ ਦਿੱਤੀ ਜਿਸ ਨਾਲ ਉਸਦਾ ਟਰੱਕ ਸੜਕ ਤੇ ਹੀ ਪਲਟ ਗਿਆ ਅਤੇ ਵੱਡਾ ਮਾਲੀ ਨੁਕਸਾਨ ਹੋਇਆ ਹੈ ਜਦਕਿ ਉਸ ਨੂੰ ਮਾਮੂਲੀ ਸੱਟਾ ਆਈਆਂ ਹਨ ਜਦਕਿ ਜਾਨੀ ਨੁਕਸਾਨ ਦਾ ਬਚਾਅ ਹੋ ਗਿਆ।
ਉਥੇ ਹੀ ਬਟਾਲਾ ਪੁਲਿਸ ਵਲੋਂ ਮੌਕੇ ਤੇ ਪਹੁਚ ਦੋਵਾਂ ਟਰੱਕ ਡ੍ਰਾਇਵਰਾਂ ਦੇ ਬਿਆਨ ਲੈਕੇ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ |
