ਪੁਲਿਸ ਦਾ ਦਾਅਵਾ, ਮੂਸੇਵਾਲਾ ਦੇ ਕਾਤਲ ਨੂੰ ਪਨਾਹ ਦੇਣ ਵਾਲਾ ਕਾਬੂ
ਤਰਨਤਾਰਨ, 20 ਜੂਨ (ਬਾਬੂਸ਼ਾਹੀ)- ਜਿਲ੍ਹਾ ਤਰਨ ਤਾਰਨ ਆਉਂਦੇ ਥਾਣਾ ਵੈਰੋਵਾਲ ਦੀ ਪੁਲਿਸ ਨੇ ਪਿੰਡ ਖੱਖ ਤੋਂ ਇੱਕ ਨੌਜਵਾਨ ਨੂੰ ਉਸਦੇ ਘਰ ਤੋਂ ਕਾਬੂ ਕੀਤਾ ਹੈ। ਕਾਬੂ ਕੀਤੇ ਨੌਜਵਾਨ ਦੇ ਪਰਿਵਾਰਿਕ ਮੈਂਬਰਾਂ ਨੇ ਕਿਹਾ ਪੁਲਿਸ ਵੱਲੋਂ ਥਾਣਾ ਮੁਖੀ ਦੀ ਹਾਜ਼ਰੀ ਚ ਉਹਨਾਂ ਦੇ ਘਰ ਦੀਆਂ ਕੰਧਾਂ ਟੱਪ ਕੇ ਉਹਨਾਂ ਦੇ ਬੇਕਸੂਰ ਨੌਜਵਾਨ ਨੂੰ ਫ਼ੜਿਆ ਤੇ ਪੁਲਿਸ ਨੇ ਪਰਿਵਾਰ ਦੀ ਨਜ਼ਾਇਜ਼ ਕੁੱਟਮਾਰ ਵੀ ਕੀਤੀ ਹੈ।
ਓਧਰ ਪੁਲਿਸ ਦਾ ਕਹਿਣਾ ਹੈ ਉਹਨਾਂ ਨੂੰ ਇਸ ਨੌਜਵਾਨ ਦੀ ਤਲਾਸ਼ ਸੀ ਤੇ ਅੱਜ ਇਸ ਨੂੰ ਇੱਕ 32 ਬੋਰ ਦੇ ਪਿਸਤੌਲ ਸਮੇਤ ਕਾਬੂ ਕੀਤਾ ਹੈ। ਥਾਣਾ ਮੁਖੀ ਨੇ ਦੱਸਿਆ ਕੇ ਉਕਤ ਨੌਜਵਾਨ ਨੇ ਸਿੱਧੂ ਮੂਸੇਵਾਲਾ ਦੇ ਕਾਤਲ ਮਨਦੀਪ ਤੂਫ਼ਾਨ ਨੂੰ ਵੀ ਪਨਾਹ ਦਿੱਤੀ ਸੀ ਤੇ ਇਸ ਨੌਜਵਾਨ ਦੇ ਘਰ ਤੋਂ ਮਨਦੀਪ ਤੂਫ਼ਾਨ ਨੂੰ ਕਾਬੂ ਕੀਤਾ ਗਿਆ ਸੀ, ਜਿਸ ਦਾ ਗੋਇੰਦਵਾਲ ਜੇਲ੍ਹ ਵਿੱਚ ਕਤਲ ਹੋ ਗਿਆ ਸੀ।
Advertisement
