ਬਾਬਾ ਫਰੀਦ ਬੈਡਮਿੰਟਨ ਕਲੱਬ ਨੇ ਐਮ.ਐਲ.ਏ ਗੁਰਦਿੱਤ ਸਿੰਘ ਸੇਖੋਂ ਦਾ ਕੀਤਾ ਵਿਸ਼ੇਸ਼ ਸਨਮਾਨ

ਬਾਬਾ ਫਰੀਦ ਬੈਡਮਿੰਟਨ ਕਲੱਬ ਨੇ ਐਮ.ਐਲ.ਏ ਗੁਰਦਿੱਤ ਸਿੰਘ ਸੇਖੋਂ ਦਾ ਕੀਤਾ ਵਿਸ਼ੇਸ਼ ਸਨਮਾਨ
ਖਿਡਾਰੀਆਂ ਨੂੰ ਆ ਰਹੀਆਂ ਮੁਸ਼ਕਲਾਂ ਦੇ ਹੱਲ ਲਈ ਕੀਤੀਆਂ ਵਿਚਾਰਾਂ
ਫਰੀਦਕੋਟ, 25 ਮਾਰਚ – ਬਾਬਾ ਫਰੀਦ ਬੈਡਮਿੰਟਨ ਕਲੱਬ ਦੇ ਸਮੂਹ ਅਹੁਦੇਦਾਰਾਂ,ਮੈਬਰਾਂ ਅਤੇ ਖਿਡਾਰੀਆਂ ਵੱਲੋਂ ਫਰੀਦਕੋਟ ਦੇ ਨਵੇਂ ਵਧਾਇਕ ਗੁਰਦਿੱਤ ਸਿੰਘ ਸੇਖੋਂ ਨੂੰ ਮੁਬਾਰਕਬਾਦ ਦੇਣ ਲਈ ਵਿਸ਼ੇਸ਼ ਮਿਲਣੀ ਕੀਤੀ ਗਈ।ਕਲੱਬ ਦੇ ਪ੍ਰਧਾਨ ਗੁਰਿੰਦਰ ਸਿੰਘ ਮਨੀ ਨੇ ਐਮ.ਐਲ.ਏ ਗੁਰਦਿੱਤ ਸੇਖੋਂ ਨੂੰ ਬੈਡਮਿੰਟਨ ਕਲੱਬ ਵੱਲੋਂ ਕੀਤੀਆਂ ਜਾ ਰਹੀਆਂ ਗਤੀਵਿਧੀਆਂ ਦੀ ਰਿਪੋਰਟ ਸਾਂਝੀ ਕੀਤੀ ਅਤੇ ਖਿਡਾਰੀਆਂ ਨੂੰ ਆ ਰਹੀਆਂ ਮੁਸ਼ਕਲਾਂ ਹੱਲ ਕਰਨ ਦੀ ਬੇਨਤੀ ਵੀ ਕੀਤੀ।ਇਸ ਮੌਕੇ ਬਾਬਾ ਫਰੀਦ ਬੈਡਮਿੰਟਨ ਕਲੱਬ ਦੀ ਪੂਰੀ ਟੀਮ ਵੱਲੋਂ ਸਾਂਝੇ ਤੌਰ ਤੇ ਐਮ.ਐਲ.ਏ ਗੁਰਦਿੱਤ ਸਿੰਘ ਸੇਖੋਂ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ।ਵਿਧਾਇਕ ਸੇਖੋਂ ਨੇ ਕਲੱਬ ਦਾ ਧੰਨਵਾਦ ਕਰਦਿਆਂ ਪੂਰਨ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ ਅਤੇ ਆਪ ਇੰਨਡੋਰ ਬੈਡਮਿੰਟਨ ਗਰਾਉਂਡ ਆ ਕੇ ਕੰਮ-ਕਾਜ ਦਾ ਜਾਇਜ਼ਾ ਲੈਣ ਦੀ ਗੱਲ ਵੀ ਕਹੀ।ਉਨਾਂ ਕਿਹਾ ਕਿ ਉਹ ਖਿਡਾਰੀਆਂ ਨੂੰ ਆ ਰਹੀਆਂ ਮੁਸ਼ਕਲਾਂ ਦਾ ਪਹਿਲ ਦੇ ਅਧਾਰ ਤੇ ਹੱਲ ਕਰਨਗੇਂ।ਇਸ ਮੌਕੇ ਡਾ.ਪ੍ਰਭਦੀਪ ਸਿੰਘ ਚਾਵਲਾ,ਰਵਜੀਤ ਸਿੰਘ ਢਿੱਲੋਂ,ਕੰਵਲਜੀਤ ਸਿੰਘ,ਵਿਸ਼ਵਜੀਤ ਸਿੰਘ ਡੇਜ਼ੀ,ਮਨਜੀਤ ਸਿੰਘ,ਸਿੰਕਦਰ ਸ਼ਰਮਾ,ਕਰਮਜੀਤ ਸਿੰਘ,ਰਛਪਾਲ ਸਿੰਘ,ਡਾ.ਨੀਰਜ਼ ਸ਼ਰਮਾ,ਧੀਰਜ ਕੁਮਾਰ,ਭਗਤ ਧਾਲੀਵਾਲ,ਕੋਚ ਹਰਪ੍ਰੀਤ ਹੈਪੀ,ਚਰਨਜੀਤ ਸਿੰਘ,ਰਮਿੰਦਰਪਾਲ ਸਿੰਘ ਅਤੇ ਰਜਤ ਕੁਮਾਰ ਹਾਜਰ ਸਨ। ਬਾਬਾ ਫਰੀਦ ਬੈਡਮਿੰਟਨ ਕਲੱਬ ਦੇ ਅਹੁਦੇਦਾਰ ਐਮ.ਐਲ.ਏ ਗੁਰਦਿੱਤ ਸਿੰਘ ਸੇਖੋਂ ਦਾ ਸਨਮਾਨ ਕਰਦੇ ਹੋਏ।