ਸਮਾਈਲਿੰਗ ਫੇਸ ਇੰਟਰਨੈਸ਼ਨਲ ਕਲੱਬ ਵੱਲੋਂ ਸਰਗਰਮੀਆਂ ਸਬੰਧੀ ਖਾਕਾ ਤਿਆਰ
ਫਰੀਦਕੋਟ, 23 ਮਾਰਚ – ਫਰੀਦਕੋਟ ਦੀ ਉੱਘੀ ਸਮਾਜਸੇਵੀ ਸੰਸਥਾ ਸਮਾਈਲਿੰਗ ਫੇਸ ਇੰਟਰਨੈਸ਼ਨਲ ਕਲੱਬ (ਰਜਿ:) ਵੱਲੋਂ ਸਮਾਜਸੇਵਾ ਦੇ ਖੇਤਰ ਵਿੱਚ ਪਿਛਲੇ 16 ਵਰਿਆਂ ਤੋਂ ਅਹਿਮ ਯੋਗਦਾਨ ਪਾਇਆ ਜਾ ਰਿਹਾ ਹੈ। ਕਲੱਬ ਦੇ ਪ੍ਰਧਾਨ ਡਾ.ਪ੍ਰਭਦੀਪ ਸਿੰਘ ਚਾਵਲਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਲੱਬ ਦੇ ਚੇਅਰਮੈਨ ਬਲਜੀਤ ਸਿੰਘ ਬਿੰਦਰਾ,ਸਕੱਤਰ ਮਨਪ੍ਰੀਤ ਲੂੰਬਾ,ਕੋਆਰਡੀਨੇਟਰ ਗਗਨਦੀਪ ਸਿੰਘ ਬਰਾੜ,ਅਮਨਦੀਪ ਸਿੰਘ ਸੋਢੀ,ਕੋਅ-ਕੋਆਰਡੀਨੇਟਰ ਵਰੁਣ ਸ਼ਰਮਾ,ਰਿਸ਼ੀ ਸ਼ਰਮਾ ਅਤੇ ਪ੍ਰੋਜੈਕਟ ਇੰਚਾਰਜ ਇੰਜੀ:ਅਮਨਦੀਪ ਸਿੰਘ ਬਰਾੜ ਦੇ ਸਹਿਯੋਗ ਨਾਲ ਕਲੱਬ ਵੱਲੋਂ ਸਮੇਂ-ਸਮੇਂ ਤੇ ਵੱਖ-ਵੱਖ ਸਰਗਰਮੀਆਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਉਨਾਂ ਆਉਣ ਵਾਲੇ ਦਿਨਾਂ ਵਿੱਚ ਕਲੱਬ ਵੱਲੋਂ ਸੇਵਾ,ਜਾਗਰੂਕਤਾ ਅਤੇ ਵਾਤਾਵਰਣ ਦੀ ਸ਼ੁੱਧਤਾ ਸਬੰਧੀ ਕੁੱਝ ਨਵੇਂ ਪ੍ਰੋਜੈਕਟਾਂ ਜਿਵੇਂ ਟ੍ਰੈਫਿਕ ਜਾਗਰੂਕਤਾ,ਸਵੱਛਤਾ ਅਭਿਆਨ ਜਾਗਰੂਕਤਾ,ਪਾਣੀ ਬਚਾਓ,ਨਸ਼ਿਆਂ ਅਤੇ ਤੰਬਾਕੂ ਵਿਰੋਧੀ ਸਾਈਕਲ ਰੈਲੀ,ਗਰੀਬ ਅਤੇ ਲੋੜਵੰਦ ਵਿਦਿਆਰਥੀਆਂ ਲਈ ਕਾਪੀਆਂ ਅਤੇ ਜਮੈਟਰੀ ਬੋਕਸ ਦੀ ਵੰਡ,ਠੰਡੇ-ਮਿੱਠੇ ਜਲ ਦੀ ਛਬੀਲ ਲਗਾਉਣ,ਇੱਕ ਸਭਿਆਚਾਰਕ ਤੇ ਸਨਮਾਨ ਸਮਾਗਮ ਅਤੇ ਹੋਰ ਕਈ ਰਾਸ਼ਟਰੀ ਦਿਹਾੜਿਆਂ ਦੇ ਆਯੋਜਨ ਕਰਨ ਸਬੰਧੀ ਤਿਆਰ ਕੀਤੇ ਸਲਾਨਾ ਕਲੰਡਰ ਸਬੰਧੀ ਜਾਣਕਾਰੀ ਵੀ ਸਾਂਝੀ ਕੀਤੀ। ਉਨਾਂ ਦੱਸਿਆ ਕਿ ਇਹਨਾਂ ਪ੍ਰੋਜੈਕਟਾਂ ਦੇ ਆਯੋਜਨ ਲਈ ਯੋਗ ਪ੍ਰਬੰਧਾਂ ਅਤੇ ਡਿਊਟੀਆਂ ਲਗਾਉਣ ਲਈ ਅਪ੍ਰੈਲ ਦੇ ਪਹਿਲੇ ਹਫਤੇ ਕਲੱਬ ਦੇ ਚੇਅਰਮੈਨ ਬਲਜੀਤ ਸਿੰਘ ਬਿੰਦਰਾ ਵੱਲੋਂ ਕਲੱਬ ਦੇ ਅਹੇਦੇਦਾਰਾਂ ਦੀ ਵਿਸ਼ੇਸ਼ ਮੀਟਿੰਗ ਰੱਖੀ ਜਾਵੇਗੀ। ਡਾ.ਪ੍ਰਭਦੀਪ ਨੇ ਸ਼ਹਿਰ ਵਾਸੀਆਂ ਨੂੰ ਕਲੱਬ ਨੂੰ ਸਹਿਯੋਗ ਅਤੇ ਢੁੱਕਵੀਂ ਸਲਾਹ ਦੇਣ ਦੀ ਅਪੀਲ ਵੀ ਕੀਤੀ ਤਾਂ ਜੋ ਕਲੱਬ ਦੇ ਸਾਰੇ ਪ੍ਰੋਜੈਕਟ ਸੁਚੱਜੇ ਢੰਗ ਨਾਲ ਨੇਪਰੇ ਚੜ ਸਕਣ।
ਡਾ.ਪ੍ਰਭਦੀਪ ਸਿੰਘ ਚਾਵਲਾ,ਕਲੱਬ ਪ੍ਰਧਾਨ
