ਸੂਰਜ ਮਿਸ਼ਨ Aditya-L1 ਨੇ ਧਰਤੀ ਦਾ ਦੂਜਾ ਦੌਰ ਕੀਤਾ ਪੂਰਾ, ISRO ਨੇ ਦਿੱਤੀ ਅਪਡੇਟ
ਨਵੀਂ ਦਿੱਲੀ, 5 ਸਤੰਬਰ (ਡੇਲੀ ਪੋਸਟ ਪੰਜਾਬੀ)- ਭਾਰਤ ਦੇ ਸੂਰਜ ਮਿਸ਼ਨ ਆਦਿਤਿਆ-L1 ਨੇ ਸੂਰਜ ਵੱਲ ਇੱਕ ਹੋਰ ਕਦਮ ਪੁੱਟਿਆ ਹੈ। ਧਰਤੀ ਦੇ ਔਰਬਿਟ ਵਿੱਚ ਘੁੰਮ ਰਹੇ ਇਸ ਪੁਲਾੜ ਯਾਨ ਨੇ ਇੱਕ ਨਵਾਂ ਔਰਬਿਟ ਹਾਸਲ ਕੀਤਾ ਹੈ। ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਇਹ ਜਾਣਕਾਰੀ ਦਿੱਤੀ ਹੈ।
ਸੋਸ਼ਲ ਮੀਡੀਆ ਪਲੇਟਫਾਰਮ X’ਤੇ ਜਾਣਕਾਰੀ ਦਿੰਦੇ ਹੋਏ, ਇਸਰੋ ਨੇ ਕਿਹਾ ਕਿ ਆਦਿਤਿਆ-ਐਲ1 ਮਿਸ਼ਨ ਨੇ ਧਰਤੀ ਨਾਲ ਦੂਸਰਾ ਅਭਿਆਸ ਪੂਰਾ ਕਰ ਲਿਆ ਹੈ। ਇਸ ਦਾ ਮਤਲਬ ਹੈ ਕਿ ਸੂਰਯਾਨ ਨੇ ਧਰਤੀ ਦਾ ਆਪਣਾ ਦੂਜਾ ਦੌਰਾ ਪੂਰਾ ਕਰ ਲਿਆ ਹੈ। ਇਸਰੋ ਦੇ ਟੈਲੀਮੈਟਰੀ, ਟ੍ਰੈਕਿੰਗ ਅਤੇ ਕਮਾਂਡ ਨੈੱਟਵਰਕ (ISTRAC) ਨੇ ਇਹ ਕਾਰਵਾਈ ਕੀਤੀ।
ਇਸਰੋ ਨੇ ਕਿਹਾ ਕਿ ਮਾਰੀਸ਼ਸ, ਬੈਂਗਲੁਰੂ ਅਤੇ ਪੋਰਟ ਬਲੇਅਰ ਵਿੱਚ ਸਥਿਤ ITRAC ਦੇ ਜ਼ਮੀਨੀ ਸਟੇਸ਼ਨਾਂ ਨੇ ਸੈਟੇਲਾਈਟ ਨੂੰ ਟਰੈਕ ਕੀਤਾ ਹੈ। ਇਸਰੋ ਦੇ ਅਨੁਸਾਰ, ਆਦਿਤਿਆ-ਐਲ1 ਨੇ 5 ਸਤੰਬਰ ਨੂੰ ਸਵੇਰੇ 2.45 ਵਜੇ ਧਰਤੀ ਦੇ ਨਵੇਂ ਔਰਬਿਟ ਵਿੱਚ ਪ੍ਰਵੇਸ਼ ਕੀਤਾ। ਨਵੀਂ ਔਰਬਿਟ 282 ਕਿਲੋਮੀਟਰ X 40,225 ਕਿਲੋਮੀਟਰ ਹੈ। ਇਹ ਆਸਾਨੀ ਨਾਲ ਸਮਝਿਆ ਜਾ ਸਕਦਾ ਹੈ ਕਿ ਧਰਤੀ ਤੋਂ ਇਸ ਔਰਬਿਟ ਦੀ ਘੱਟੋ-ਘੱਟ ਦੂਰੀ 282 ਕਿਲੋਮੀਟਰ ਹੈ, ਜਦੋਂ ਕਿ ਵੱਧ ਤੋਂ ਵੱਧ ਦੂਰੀ 40,225 ਕਿਲੋਮੀਟਰ ਹੈ।
ਇਸ ਤੋਂ ਪਹਿਲਾਂ, ਸੂਰਯਾਨ ਨੇ 3 ਸਤੰਬਰ ਨੂੰ ਪਹਿਲਾ ਦੌਰਾ ਪੂਰਾ ਕਰਕੇ 245 ਕਿਲੋਮੀਟਰ x 22,459 ਕਿਲੋਮੀਟਰ ਦਾ ਚੱਕਰ ਪੂਰਾ ਕੀਤਾ ਸੀ। ਆਦਿਤਿਆ-L1 ਨੂੰ 10 ਸਤੰਬਰ, 2023 ਨੂੰ ਭਾਰਤੀ ਸਮੇਂ ਅਨੁਸਾਰ ਸਵੇਰੇ 2.30 ਵਜੇ ਧਰਤੀ ਦੇ ਅਗਲੇ ਪੰਧ ਵਿੱਚ ਭੇਜਣ ਦੀ ਯੋਜਨਾ ਹੈ।
Aditya-L1 Mission:
The second Earth-bound maneuvre (EBN#2) is performed successfully from ISTRAC, Bengaluru.ISTRAC/ISRO's ground stations at Mauritius, Bengaluru and Port Blair tracked the satellite during this operation.
The new orbit attained is 282 km x 40225 km.
AdvertisementThe next… pic.twitter.com/GFdqlbNmWg
— ISRO (@isro) September 4, 2023
ਭਾਰਤ ਦਾ ਪਹਿਲਾ ਸੂਰਜ ਮਿਸ਼ਨ ਆਦਿਤਿਆ-ਐਲ1 ਸ਼ਨੀਵਾਰ (2 ਸਤੰਬਰ) ਨੂੰ ਸ਼੍ਰੀਹਰੀਕੋਟਾ, ਆਂਧਰਾ ਪ੍ਰਦੇਸ਼ ਵਿੱਚ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਲਾਂਚ ਕੀਤਾ ਗਿਆ ਸੀ। ਇਸਰੋ ਦੇ PSLV-C57 ਰਾਕੇਟ ਦੀ ਮਦਦ ਨਾਲ ਇਸ ਨੂੰ ਧਰਤੀ ਦੇ ਪੰਧ ਵਿੱਚ ਰੱਖਿਆ ਗਿਆ। ਇਸਦੀ ਸ਼ੁਰੂਆਤੀ ਔਰਬਿਟ 235 km x 19000 km ਸੀ।
