ਸ੍ਰੀ ਜਸਕਰਨ ਸਿੰਘ ਬੀ ਪੀ ਈ ਓ ਸਨਮਾਨਿਤ
ਸਕੂਲ ਸਟਾਫ ਹੋਰ ਤਰੱਕੀ ਲਈ ਕਾਮਨਾ ਕਰਦਾ ਹੈ – ਨੀਤੂ ਗੁਪਤਾ
ਫਰੀਦਕੋਟ, 1 ਮਾਰਚ (ਪਰਦੀਪ ਚਮਕ) – ਸਰਕਾਰੀ ਨਰਸਰੀ ਐਂਡ ਕੇ ਜੀ ਸਕੂਲ ਫਰੀਦਕੋਟ ਵਿਖੇ ਨੀਤੂ ਗੁਪਤਾ ਹੈੱਡ ਟੀਚਰ ਦੀ ਅਗਵਾਈ ਵਿੱਚ ਸਮੂਹ ਸਟਾਫ ਮੈੰਬਰਜ਼ ਅਤੇ ਸਕੂਲ ਮੈਨੇਜਮੈਂਟ ਕਮੇਟੀ ਵੱਲੋਂ ਆਪਣੇ ਸਕੂਲ ਦੇ ਚਮਕਦੇ ਸਿਤਾਰੇ ਸ੍ਰ ਜਸਕਰਨ ਸਿੰਘ ਬੀ ਪੀ ਈ ਓ ਫਰੀਦਕੋਟ 2 ਨੂੰ ਸਨਮਾਨਿਤ ਕੀਤਾ ਗਿਆ ਜਿਨ੍ਹਾਂ ਆਪਣੀ ਮੁੱਢਲੀ ਸਿੱਖਿਆ ਇਸ ਸੰਸਥਾ ਵਿੱਚੋੰ ਪ੍ਰਾਪਤ ਕਰਨ ਉਪਰੰਤ ਜਿੰਦਗੀ ਦੀਆਂ ਮੁਸ਼ਕਿਲਾਂ ਨੂੰ ਸਰ ਕਰਦੇ ਹੋਏ ਅਧਿਆਪਨ ਦੇ ਕਿੱਤੇ ਨੂੰ ਅਪਨਾਇਆ । ਸ੍ਰੀ ਤੀਰਥ ਰਾਮ ਵਰਮਾ ਰਿਟਾਇਰਡ ਲੈਕਚਰਾਰ ਨੇ ਦੱਸਿਆ ਕਿ ਸ੍ਰ ਜਸਕਰਨ ਸਿੰਘ ਪਿਛਲੇ ਲੰਬੇ ਅਰਸੇ ਤੋੰ ਸਿੱਖਿਆ ਵਿਭਾਗ ਚ ਫ਼ਰੀਦਕੋਟ ਜ਼ਿਲ੍ਹੇ ਨੂੰ ਆਪਣੀਆਂ ਸੇਵਾਵਾਂ ਕੁਸ਼ਲਤਾਪੂਰਵਕ ਦੇਂਦੇ ਆ ਰਹੇ ਹਨ ਅਤੇ ਹੁਣ ਬਤੌਰ ਬੀ ਪੀ ਈ ਓ ਫ਼ਰੀਦਕੋਟ 2 ਵਿਖੇ ਪ੍ਰਾਇਮਰੀ ਸਕੂਲਾਂ ਨੂੰ ਆਪਣੀ ਰਹਿਨੁਮਾਈ ਦੇ ਰਹੇ ਹਨ ਅਤੇ ਉਨ੍ਹਾਂ ਦਾ ਮਿਲਾਪੜਾ ਸੁਭਾਅ ,ਸਪੱਸ਼ਟ ਅਤੇ ਮਿਹਨਤੀ ਨਜ਼ਰੀਆ ਬਲਾਕ ਦੇ ਅਧਿਆਪਕਾਂ ਲਈ ਪ੍ਰੇਰਨਾ ਸਰੋਤ ਹੈ । ਸ਼੍ਰੀਮਤੀ ਨੀਤੂ ਗੁਪਤਾ ਨੇ ਸਵਾਗਤ ਕਰਦਿਆਂ ਕਿਹਾ ਕਿ ਸ੍ਰ ਜਸਕਰਨ ਸਿੰਘ ਨੂੰ ਸਨਮਾਨਿਤ ਕਰਦਿਆਂ ਸਕੂਲ ਸਟਾਫ ਮਾਣ ਮਹਿਸੂਸ ਕਰਦਾ ਹੈ ਅਤੇ ਸਰ ਦੀ ਚੰਗੀ ਸਿਹਤ ਅਤੇ ਹੋਰ ਤਰੱਕੀਆਂ ਲਈ ਕਾਮਨਾ ਕਰਦਾ ਹੈ। ਸ੍ਰ ਜਸਕਰਨ ਸਿੰਘ ਨੇ ਵਿਦਿਆਰਥੀਆਂ ਨੂੰ ਸਖਤ ਮਿਹਨਤ ਕਰਨ ਲਈ ਪ੍ਰੇਰਦਿਆਂ ਕਿਹਾ ਕਿ ਤੁਹਾਡੀ ਸਿਰੜ ਅੱਗੇ ਹਰ ਮੁਸ਼ਕਿਲ ਹਾਰ ਜਾਂਦੀ ਹੈ । ਸ੍ਰ ਜਸਕਰਨ ਸਿੰਘ ਨੇ ਸਕੂਲ ਭਲਾਈ ਫੰਡ ਚ ਆਪਣੀ ਕਿਰਤ ਕਮਾਈ ਚੋੰ 5100/- ਨਗਦ ਰਾਸ਼ੀ ਵੀ ਭੇਂਟ ਕੀਤੀ । ਇਸ ਮੌਕੇ ਸ੍ਰ ਮਨਦੀਪ ਸਿੰਘ ਢਿੱਲੋਂ ਹੈੱਡ ਟੀਚਰ ਅਤੇ ਸ੍ਰ ਗੁਰਦਵਿੰਦਰ ਸਿੰਘ ਢਿੱਲੋਂ ਹੈੱਡਟੀਚਰ,ਸ੍ਰ ਹਨੀ ਬਰਾੜ ਨੇ ਵੀ ਵਿਸ਼ੇਸ਼ ਸ਼ਿਰਕਤ ਕਰਦਿਆਂ ਵਿਦਿਆਰਥੀਆਂ ਅਤੇ ਸਟਾਫ ਮੈਂਬਰਜ ਨੂੰ ਪ੍ਰੇਰਨਾਦਾਇਕ ਤਕਰੀਰਾਂ ਪੇਸ਼ ਕੀਤੀਆਂ । ਸਕੂਲ ਮੈਨੇਜਮੈਂਟ ਕਮੇਟੀ ਵੱਲੋਂ ਸ੍ਰੀ ਤੀਰਥ ਰਾਮ ਵਰਮਾ ਅਤੇ ਸ੍ਰੀਮਤੀ ਨੀਤੂ ਗੁਪਤਾ, ਸ੍ਰੀਮਤੀ ਗੁਰਿੰਦਰ ਕੌਰ, ਸ਼੍ਰੀਮਤੀ ਮੀਨੂੰ, ਸ੍ਰੀਮਤੀ ਸੰਤੋਸ਼ ਰਾਣੀ, ਸ੍ਰੀਮਤੀ ਅੰਜਨਾ ਕੁਮਾਰੀ, ਸ਼੍ਰੀਮਤੀ ਸੁਨੀਤਾ, ਸ੍ਰੀਮਤੀ ਕਾਂਤਾ ਰਾਣੀ ਅਤੇ ਸ੍ਰੀਮਤੀ ਸਿੰਬਲਜੀਤ ਕੌਰ ਨੇ ਸ੍ਰ ਜਸਕਰਨ ਸਿੰਘ ਅਤੇ ਹੋਰ ਮਹਿਮਾਨਾਂ ਦਾ ਧੰਨਵਾਦ ਕੀਤਾ
