Breaking- ਭਿਆਨਕ ਹਾਦਸਾ ਵਾਪਰਿਆ, ਕਾਰ ਤੇ ਦੋ ਪਹੀਆਂ ਦੀ ਆਪਸ ਵਿਚ ਹੋਈ ਟਕਰ
ਬੰਗਾ, 24 ਜਨਵਰੀ – (ਬਾਬੂਸ਼ਾਹੀ ਬਿਊਰੋ) ਨਵਾਸ਼ਹਿਰ ਮੁੱਖ ਮਾਰਗ ’ਤੇ ਪੈਂਦੇ ਪਿੰਡ ਥਾਂਦੀਆ ਮੋੜ ’ਤੇ ਇਕ ਕਾਰ ਅਤੇ ਸਕੂਟਰੀ ਵਿਚਕਾਰ ਹੋਈ ਟੱਕਰ ਵਿਚ ਸਕੂਟਰੀ ਸਵਾਰ ਬਜ਼ੁਰਗ ਜੋੜੇ ਸਮੇਤ ਚਾਰ ਵਿਅਕਤੀਆਂ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਮਿਲੀ ਹੈ। ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਕ ਬਜ਼ੁਰਗ ਜੋੜਾ ਆਪਣੀ ਸਕੂਟਰੀ ਨੰਬਰ ਪੀ ਬੀ 32 ਯੂ 7533 ਤੇ ਸਵਾਰ ਹੋ ਕੇ ਪਿੰਡ ਥਾਂਦੀਆ ਸਾਈਡ ਤੋਂ ਆ ਰਿਹਾ ਸੀ ਅਤੇ ਚੌਂਕ ਨੂੰ ਪਾਰ ਕਰਨ ਲਈ ਜਿਵੇਂ ਹੀ ਉਨ੍ਹਾਂ ਨੇ ਆਪਣਾ ਸਕੂਟਰੀ ਨੂੰ ਹਾਈਵੇ ’ਤੇ ਚੜ੍ਹਾਇਆ ਤਾਂ ਅਲੀਵੇਟਿਡ ਪੁਲ ਤੋਂ ਆ ਰਹੀ ਕਾਰ ਨੰਬਰ ਪੀ ਬੀ 91 ਐਫ 2478 ਦੀ ਲਪੇਟ ਵਿਚ ਆ ਗਈ। ਜਿਸ ਦੇ ਕਾਰਨ ਕਾਰ ਵਿੱਚ ਸਵਾਰ ਵਿਅਕਤੀਆਂ ਸਮੇਤ ਉਕਤ ਬਜ਼ੁਰਗ ਜੋੜੇ ਦੇ ਕਾਫੀ ਸੱਟਾਂ ਲੱਗੀਆਂ ਤੇ ਦੋਵੇਂ ਗੱਡੀਆਂ ਦਾ ਵੀ ਕਾਫੀ ਨੁਕਸਾਨ ਹੋਇਆ ।
ਮੌਕੇ ’ਤੇ ਖੜੇ ਵਿਅਕਤੀ ਨੇ ਦੱਸਿਆ ਕਿ ਹਾਦਸਾ ਇੰਨਾ ਭਿਆਨਕ ਸੀ ਕਿ ਸਕੂਟਰੀ ਦੇ ਪਿੱਛੇ ਬੈਠੀ ਬਜ਼ੁਰਗ ਔਰਤ 5 ਫੁੱਟ ਉਪਰ ਤੱਕ ਉਛੱਲ ਗਈ ਜਦੋ ਕਿ ਸਕੂਟਰੀ ਚਾਲਕ ਬਜ਼ੁਰਗ ਸਕੂਟਰੀ ਸਮੇਤ ਕਾਫੀ ਦੂਰ ਜਾ ਡਿੱਗਾ ਅਤੇ ਕਾਰ ਵੀ ਸੜਕ ਵਿਚਕਾਰ ਬਣੇ ਡਵਾਈਡਰ ਨਾਲ ਟਕਰਾ ਗਈ। ਉਨ੍ਹਾਂ ਦੱਸਿਆ ਕਿ ਸਕੂਟਰੀ ਸਵਾਰ ਬੁਜ਼ਰਗ ਜੋੜੇ ਨੂੰ ਨਜ਼ਦੀਕੀ ਪੈਂਦੇ ਚੈਰੀਟੇਂਬਲ ਹਸਪਤਾਲ ਦੀ ਐਬੂਲੈਂਸ ਦੁਆਰਾ ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਢਾਹਾ ਕਲੇਰਾ ਦਾਖਿਲ ਕਰਵਾਇਆ ਗਿਆ, ਜਦੋ ਕਿ ਕਾਰ ਚਾਲਕਾਂ ਨੂੰ ਕਿਸੇ ਹੋਰ ਐਬੂਲੈਂਸ ਰਾਹੀਂ ਨਵਾਂਸ਼ਹਿਰ ਵਿਖੇ ਭੇਜ ਦਿੱਤਾ ਗਿਆ।
