ਮਾਧਵ ਢੋਸੀਵਾਲ ਨੇ ਸਿਲਵਰ ਮੈਡਲ ਜਿੱਤਿਆ
— ਮੁਕਾਬਲੇ ’ਚ ਦੂਸਰਾ ਸਥਾਨ ਪ੍ਰਾਪਤ ਕੀਤਾ –
ਸ੍ਰੀ ਮੁਕਤਸਰ ਸਾਹਿਬ, 07 ਮਈ – ਸਥਾਨਕ ਬੁੱਧ ਵਿਹਾਰ ਨਿਵਾਸੀ ਮੁਕਤਸਰ ਵਿਕਾਸ ਮਿਸ਼ਨ ਦੇ ਪ੍ਰਧਾਨ ਪ੍ਰਸਿਧ ਸਮਾਜ ਸੇਵਕ ਜਗਦੀਸ਼ ਰਾਏ ਢੋਸੀਵਾਲ ਦੇ ਪੋਤਰੇ ਤੇ ਇੰਜ. ਕੁਨਾਲ ਢੋਸੀਵਾਲ ਅਤੇ ਪ੍ਰੋ. ਵੰਦਨਾ ਢੋਸੀਵਾਲ ਦੇ ਸਪੁੱਤਰ ਮਾਧਵ ਢੋਸੀਵਾਲ ਨੇ ਆਪਣੇ ਸਕੂਲ ’ਚ ਹੋਏ ‘ਐਲੋਕੂਸ਼ਨ ਮੁਕਾਬਲੇ’ ਵਿੱਚ ਓਵਰ ਆਲ ਦੂਸਰਾ ਸਥਾਨ ਪ੍ਰਾਪਤ ਕੀਤਾ ਹੈ। ਇਹ ਮੁਕਾਬਲਾ ਬੱਚਿਆਂ ਵਿਚ ਮੂੰਹ ਜੁਬਾਨੀ ਸਹੀ ਉਚਾਰਣ ਨੂੰ ਵਿਕਸਤ ਕਰਨ ਲਈ ਕਰਵਾਇਆ ਜਾਂਦਾ ਹੈ। ਵਿਦਿਆਰਥੀ ਨੇ ਮੂੰਹ ਜੁਬਾਨੀ ਹੀ ਬੋਲਣਾ ਹੁੰਦਾ ਹੈ। ਸੇਂਟ ਮੇਰੀ ਕਾਨਵੈਂਟ ਸਕੂਲ ਫਰੀਦਕੋਟ ਦੇ ਦੂਸਰੀ ਕਲਾਸ ਦੇ ਵਿਦਿਆਰਥੀ ਮਾਧਵ ਢੋਸੀਵਾਲ ਨੇ ਪਹਿਲੇ ਰਾਊਂਡ ਵਿਚ ਆਪਣੇ ਸੈਕਸ਼ਨ ਵਿਚੋਂ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਇਸ ਤੋਂ ਆਖਰੀ ਅਤੇ ਦੂਸਰੇ ਰਾਊਂਡ ਵਿਚ ਉਸਨੇ ਦੂਸਰਾ ਸਥਾਨ ਪ੍ਰਾਪਤ ਕੀਤਾ ਹੈ। ਸਕੂਲ ਪਿ੍ਰੰਸੀਪਲ ਫਾਦਰ ਸੰਨੀ ਜੋਸਫ਼ ਨੇ ਮਾਧਵ ਨੂੰ ਸਿਲਵਰ ਮੈਡਲ ਦੇ ਕੇ ਸਨਮਾਨਿਤ ਕੀਤਾ। ਮਾਧਵ ਦੀ ਇਸ ਸ਼ਾਨਦਾਰ ਪ੍ਰਾਪਤੀ ’ਤੇ ਮਿਸ਼ਨ ਦੇ ਚੀਫ਼ ਪੈਟਰਨ ਗੁਰਚਰਨ ਸਿੰਘ ਸੰਧੂ, ਚੇਅਰਮੈਨ ਹਨੀ ਫੱਤਣਵਾਲਾ, ਸੀਨੀਰ ਮੀਤ ਪ੍ਰਧਾਨ ਨਿਰੰਜਣ ਸਿੰਘ ਰੱਖਰਾ, ਸਲਾਹਕਾਰ ਇੰਜ. ਅਸ਼ੋਕ ਭਾਰਤੀ ਸਮੇਤ ਸਮੂਹ ਅਹੁਦੇਦਾਰਾਂ ਅਤੇ ਮੈਂਬਰਾਂ ਨੇ ਢੋਸੀਵਾਲ ਪਰਿਵਾਰ ਨੂੰ ਵਧਾਈ ਦਿੱਤੀ ਹੈ।
ਫੋਟੋ ਕੈਪਸ਼ਨ : ਪਿ੍ਰੰਸੀਪਲ ਫਾਦਰ ਸੰਨੀ ਜੋਸਫ, ਮਾਧਵ ਨੂੰ ਸਨਮਾਨਿਤ ਕਰਦੇ ਹੋਏ।
