ਚੰਡੀਗੜ , 1 ਜੂਨ – ( ਪੰਜਾਬ ਡਾਇਰੀ ) ਪੰਜਾਬ ਵਿਚ ਸੀਮਿੰਟ ਦੀਆਂ ਕੀਮਤਾਂ ਵਿਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਸੀਮਿੰਟ ਦੀਆਂ ਲਗਾਤਾਰ ਵੱਧ ਰਹੀਆਂ ਕੀਮਤਾਂ ਨੇ ਲੋਕਾਂ ਨੂੰ ਦੁਖੀ ਕਰ ਦਿੱਤਾ ਹੈ। ਇਸ ਦਾ ਸਭ ਤੋਂ ਵੱਧ ਅਸਰ ਮੱਧ ਵਰਗ ਨੂੰ ਪੈ ਰਿਹਾ ਹੈ। ਉਸਾਰੀ ਸਮੱਗਰੀ ਦੀ ਲਾਗਤ ਘਟਣ ਨਾਲ ਹੁਣ ਘਰ ਬਣਾਉਣਾ ਆਸਾਨ ਹੋ ਗਿਆ ਹੈ। ਪਹਿਲਾਂ ਸੀਮਿੰਟ 440 ਰੁਪਏ ਵਿੱਚ ਮਿਲਦਾ ਸੀ, ਹੁਣ 420 ਰੁਪਏ ਵਿਚ ਮਿਲ ਰਿਹਾ ਹੈ। ਇੱਕ ਬੇਰੀ ਦੀ ਕੀਮਤ ਵਿੱਚ 20 ਤੋਂ 30 ਰੁਪਏ ਤੱਕ ਦੀ ਗਿਰਾਵਟ ਆਈ ਹੈ।
ਇਕ ਮਹੀਨੇ ਵਿਚ 60 ਤੋਂ 80 ਰੁਪਏ ਤੱਕ ਘਟੀ ਕੀਮਤ
ਪਿਛਲੇ ਇਕ ਮਹੀਨੇ ਵਿਚ ਸੀਮਿੰਟ ਦੇ ਰੇਟ ਵਿੱਚ ਕਰੀਬ 60 ਤੋਂ 80 ਰੁਪਏ ਪ੍ਰਤੀ ਥੈਲਾ ਵਾਧਾ ਹੋਇਆ ਸੀ ਕੱਲ੍ਹ ਸੀਮਿੰਟ 20 ਤੋਂ 30 ਰੁਪਏ ਪ੍ਰਤੀ ਥੈਲਾ ਸਸਤਾ ਹੋ ਗਿਆ ਹੈ। ਕਾਰੋਬਾਰੀਆਂ ਦਾ ਕਹਿਣਾ ਹੈ ਕਿ ਸਟੀਲ ਦੀਆਂ ਕੀਮਤਾਂ ‘ਚ ਗਿਰਾਵਟ ਤੋਂ ਬਾਅਦ ਵੱਖ-ਵੱਖ ਬ੍ਰਾਂਡਾਂ ਦੇ ਸੀਮਿੰਟ ਦੀਆਂ ਕੀਮਤਾਂ ‘ਚ ਕਮੀ ਆਈ ਹੈ। ਹਾਲਾਂਕਿ ਰੇਟ ਅਜੇ ਵੀ ਬਹੁਤ ਜ਼ਿਆਦਾ ਹਨ ਪਰ ਡੀਜ਼ਲ ਸਸਤਾ ਹੋਣ ਤੋਂ ਬਾਅਦ ਇਨ੍ਹਾਂ ‘ਚ ਫਰਕ ਆਉਣਾ ਸ਼ੁਰੂ ਹੋ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਇਕ ਮਹੀਨੇ ‘ਚ ਸਰੀਏ ਦੀਆਂ ਕੀਮਤਾਂ ਵੀ 11 ਹਜ਼ਾਰ ਤੱਕ ਹੇਠਾਂ ਆ ਚੁੱਕੀਆਂ ਹਨ।
ਸੀਮਿੰਟ ਕਾਰੋਬਾਰ ‘ਤੇ ਅਡਾਨੀ ਗਰੁੱਪ ਦਾ ਦਬਦਬਾ
ਉਦਯੋਗਪਤੀ ਗੌਤਮ ਅਡਾਨੀ ਦੇ ਸੀਮਿੰਟ ਕਾਰੋਬਾਰ ਵਿੱਚ ਆਉਣ ਤੋਂ ਬਾਅਦ ਕੀਮਤਾਂ ਵਿੱਚ ਲਗਾਤਾਰ ਗਿਰਾਵਟ ਆ ਰਹੀ ਹੈ। ਇੱਕ ਮਹੀਨਾ ਪਹਿਲਾਂ ਅਡਾਨੀ ਗਰੁੱਪ ਨੇ ਸਵਿਸ ਕੰਪਨੀ ਹੋਲਸੀਮ ਗਰੁੱਪ ਨੂੰ 10.5 ਬਿਲੀਅਨ ਡਾਲਰ ਵਿੱਚ ਖਰੀਦਿਆ ਸੀ। ਅਡਾਨੀ ਗਰੁੱਪ ਨੇ ਭਾਰਤ ਦੀਆਂ ਦੋ ਸਭ ਤੋਂ ਵੱਡੀਆਂ ਸੀਮੇਂਟ ਕੰਪਨੀਆਂ ਅੰਬੂਜਾ ਅਤੇ ਏ. ਸੀ. ਸੀ. ਸੀਮੈਂਟ ਵਿੱਚ $10.5 ਬਿਲੀਅਨ (80,000 ਕਰੋੜ ਰੁਪਏ) ਵਿੱਚ ਹੋਲਸੀਮ ਗਰੁੱਪ ਦੀ ਪੂਰੀ ਹਿੱਸੇਦਾਰੀ ਖਰੀਦਣ ਲਈ ਇੱਕ ਵਪਾਰਕ ਸੌਦੇ ਨੂੰ ਅੰਤਿਮ ਰੂਪ ਦਿੱਤਾ ਸੀ।
ਪੰਜਾਬ ‘ਚ ਘਰ ਬਣਾਉਣ ਵਾਲਿਆਂ ਲਈ ਚੰਗੀ ਖ਼ਬਰ, ਸਸਤਾ ਹੋਇਆ ਸੀਮਿੰਟ
