Breaking- ਹਰਿਆਣਾ ਵੱਲ ਸ਼ਰਾਬ ਦੀਆਂ 290 ਪੇਟੀਆਂ ਲੈ ਕੇ ਜਾਂਦੇ 4 ਤਸਕਰ ਪੁਲਿਸ ਵਲੋਂ ਗ੍ਰਿਫਤਾਰ
ਚੰਡੀਗੜ੍ਹ, 10 ਅਗਸਤ – (ਪੰਜਾਬ ਡਾਇਰੀ) ਹਜ਼ਾਰਾਂ ਸ਼ਰਾਬ ਦੀਆਂ ਬੋਤਲਾਂ ਚੋਰੀ ਛਿਪੇ ਪੰਜਾਬ ਤੋਂ ਹਰਿਆਣਾ ਲਿਜਾਈਆਂ ਜਾ ਰਹੀਆਂ ਸਨ। ਜੁਲਕਾਂ ਦੀ ਪੁਲੀਸ ਟੀਮ ਨੂੰ ਉਸ ਦਾ ਪਤਾ ਲੱਗਾ। ਪੁਲੀਸ ਟੀਮ ਨੇ ਗੱਡੀ ਨੂੰ ਰੋਕਿਆ ਜਿਸ ਵਿਚ ਭਾਰੀ ਮਾਤਰਾ ਵਿਚ ਸ਼ਰਾਬ ਦੀਆਂ ਪੇਟੀਆਂ ਭਰੀਆਂ ਜਾ ਰਹੀਆਂ ਸਨ। ਇਸ ਸਬੰਧੀ ਕਾਰਵਾਈ ਕਰਨ ਉਪਰੰਤ ਏ. ਐਸ. ਆਈ. ਜੀਤ ਸਿੰਘ ਨੇ ਦੱਸਿਆ ਕਿ 4 ਵਿਅਕਤੀਆਂ ਨੂੰ 290 ਪੇਟੀਆਂ ਸ਼ਰਾਬ ਸਮੇਤ ਕਾਬੂ ਕੀਤਾ ਹੈ। ਪੁੱਛਗਿੱਛ ਦੌਰਾਨ ਉਸ ਕੋਲੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਉਹ ਪੰਜਾਬ ਤੋਂ ਸਸਤੀ ਸ਼ਰਾਬ ਲਿਆ ਕੇ ਹਰਿਆਣਾ ਵਿਚ ਮਹਿੰਗੇ ਭਾਅ ‘ਤੇ ਸਪਲਾਈ ਕਰਦੇ ਸਨ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਫੜੇ ਗਏ ਵਿਅਕਤੀਆਂ ਵਿਚ ਮਲਕੀਤ ਸਿੰਘ, ਰਵੀ, ਹਰਮਨ ਕੋਹਲੀ, ਸ਼ਿਵਮ ਕੁਮਾਰ ਆਦਿ ਸ਼ਾਮਲ ਹਨ ।
