Breaking- ਬੈਸਟ ਲਾਅਨ ਮੁਕਾਬਲੇ ਲਈ ਆਨਲਾਈਨ ਰਜਿਸਟ੍ਰੇਸ਼ਨ ਸ਼ੁਰੂ
ਫਰੀਦਕੋਟ, 2 ਸਤੰਬਰ – (ਪੰਜਾਬ ਡਾਇਰੀ) ਡਿਪਟੀ ਕਮਿਸ਼ਨਰ ਡਾ. ਰੂਹੀ ਦੁੱਗ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਮਹਾਨ ਸੂਫੀ ਸੰਤ ਬਾਬਾ ਸ਼ੇਖ ਫਰੀਦ ਜੀ ਦੇ ਆਗਮਨ ਪੁਰਬ ਤੇ ਜਿਲ੍ਹਾ ਪ੍ਰਸ਼ਾਸ਼ਨ ਫਰੀਦਕੋਟ ਵਲੋਂ ਬੈਸਟ ਲਾਅਨ ਮੁਕਾਬਲਾ ਕਰਵਾਇਆ ਜਾ ਰਿਹਾ ਹੈ ਜਿਸ ਲਈ ਰਜਿਸਟਰੇਸ਼ਨ ਮਿਤੀ 01/09/2022 ਤੋਂ 15/09/2022 ਤੱਕ ਆਨਲਾਈਨ ਕੀਤੀ ਜਾਵੇਗੀ । ਇਸ ਸਬੰਧੀ ਐਂਟਰੀ ਵੱਟਸਐਪ ਨੰਬਰ 7888318618 ਤੇ ਭੇਜੀ ਜਾਵੇ।
ਉਨ੍ਹਾਂ ਕਿਹਾ ਕਿ ਇਸ ਮੁਕਾਬਲੇ ਵਿਚ ਪਹਿਲੀ ਕੈਟਾਗਿਰੀ ਵਿੱਚ ਘਰੇਲੂ (ਹੋਮ) ਲਾਅਨ ਅਤੇ ਦੂਜੀ ਕੈਟਾਗਰੀ ਵਿੱਚ ਕਿਸੇ ਵੀ ਇਸਟੀਚਿਊਸ਼ਨਲ ਲਾਅਨ ਦੇ ਮੁਕਾਬਲੇ ਕਰਵਾਏ ਜਾਣਗੇ। ਉਨ੍ਹਾਂ ਕਿਹਾ ਕਿ ਮੁਕਾਬਲੇ ਵਿਚ ਹਿੱਸਾ ਲੈਣ ਲਈ ਲਾਅਨ ਦਾ ਸਾਈਜ਼ ਘੱਟ ਤੋਂ ਘੱਟ 100 ਸਕੇਅਰ ਫੁੱਟ ਹੋਵੇ ਅਤੇ ਵੱਧ ਤੋਂ ਵੱਧ ਪੰਜ ਫੋਟੋ ਹੀ ਪ੍ਰਤੀ ਲਾਅਨ ਭੇਜੀਆ ਜਾਣ। ਉਨਾਂ ਕਿਹਾ ਕਿ ਲਾਅਨ ਦੀ ਵੀਡੀਓ 30 ਸੈਕਿੰਡ ਤੋਂ ਇੱਕ ਮਿੰਟ ਦੀ ਹੋਣੀ ਚਾਹੀਦੀ ਹੈ (ਸਿਰਫ ਇੱਕ ਹੀ ਵੀਡੀਓ) ਅਤੇ ਨਾਮ,ਘਰ ਦਾ ਪਤਾ ਅਤੇ ਮੋਬਾਇਲ ਨੰਬਰ ਲਾਅਨ ਦੀ ਫੋਟੋ ਦੇ ਨਾਲ ਜ਼ਰੂਰ ਭੇਜਿਆ ਜਾਵੇ। ਉਨ੍ਹਾਂ ਕਿਹਾ ਕਿ ਪਹਿਲੇ ਤਿੰਨ ਲਾਅਨ ਇਨਾਮ ਲਈ ਚੁਣੇ ਜਾਣਗੇ। ਇਨ੍ਹਾਂ ਮੁਕਾਬਲਿਆਂ ਲਈ ਮੈਡਮ ਵੀਰਪਾਲ ਕੌਰ ਐਸ.ਡੀ.ਐਮ. ਜੈਤੋ ਓਵਰਆਲ ਇੰਚਾਰਜ਼ ਹੋਣਗੇ।
