Breaking News- ਨੌਕਰੀ ਦਵਾਉਣ ਦਾ ਝਾਂਸਾ ਦੇ ਕੇ ਠੱਗੇ 25 ਲੱਖ 50,000 ਚਾਰ ਦੋਸ਼ੀ ਨਾਮਜ਼ਦ
ਗੁਰਦਾਸਪੁਰ, 29 ਜੂਨ – (ਪੰਜਾਬ ਡਾਇਰੀ) ਥਾਨਾ ਕਲਾਨੌਰ ਵਿੱਚ ਐੱਫਸੀਆਈ (FCI) ਵਿੱਚ ਨੌਕਰੀ ਲਗਵਾਉਣ ਦਾ ਝਾਂਸਾ ਦੇ ਕੇ 25.50 ਲੱਖ ਰੁਪਏ ਠੱਗਣ ਦੇ ਦੋਸ਼ ਵਿੱਚ ਪੁਲਿਸ ਵੱਲੋਂ ਚਾਰ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ।
ਬਲਜੀਤ ਸਿੰਘ ਨੇ ਦੱਸਿਆ ਕਿ ਉਹ ਮਨਦੀਪ ਅਤੇ ਉਸਦੇ ਸਾਥੀਆਂ ਦੀਆਂ ਗੱਲਾਂ ਵਿੱਚ ਆ ਗਿਆ ਅਤੇ ਆਪਣੀ ਅਤੇ ਆਪਣੇ ਮਿੱਤਰ ਅਜੇ ਸਿੰਘ ਦੀ ਨੌਕਰੀ ਲਗਵਾਉਣ ਲਈ ਮਨਦੀਪ ਸਿੰਘ ਅਤੇ ਉਸ ਦੇ ਸਾਥੀਆਂ ਨੂੰ ਪੱਚੀ ਲੱਖ ਪੰਜਾ ਹਜਾਰ ਰੁਪਏ ਦੇ ਦਿੱਤੇ। ਉਸ ਨੇ ਦੱਸਿਆ ਕਿ ਇਹਨਾਂ ਵਿੱਚੋਂ 10 ਲੱਖ ਦੇ ਕਰੀਬ ਪੈਸੇ ਮਨਦੀਪ ਸਿੰਘ ਦੇ ਅਕਾਊਂਟ ਵਿੱਚ ਜਮ੍ਹਾ ਕਰਵਾਏ ਗਏ ਸਨ ਅਤੇ ਬਾਕੀ ਤਿੰਨ ਕਿਸ਼ਤਾਂ ਵਿਚ ਨਗਦ ਦਿੱਤੇ ਗਏ ਸਨ ਪਰ ਪੈਸੇ ਦੇਣ ਦੇ ਬਾਵਜੂਦ ਸੀ ਨੌਕਰੀ ਨਹੀਂ ਲਗਾਈ ਗਈ।
