Big News- ਫਟਿਆ ਸਿਲੰਡਰ, ਇੱਕ ਵਿਅਕਤੀ ਗੰਭੀਰ ਜ਼ਖਮੀ
ਜਲੰਧਰ, 29 ਜੂਨ – (ਪੰਜਾਬ ਡਾਇਰੀ) ਅੱਜ ਸਵੇਰੇ ਜਲੰਧਰ ਦੀ ਮਕਸੂਦਾ ਸਬਜ਼ੀ ਮੰਡੀ ‘ਚ ਉਸ ਵੇਲੇ ਹੜਕੰਪ ਮੱਚ ਗਿਆ ਜਦੋਂ ਪੂਰੀ ਮੰਡੀ ਧਮਾਕੇ ਦੀ ਗੜਗੜਾਹਟ ਨਾਲ ਦਹਿਲ ਪਈ। ਧਮਾਕਾ ਇੰਨਾ ਜ਼ਬਰਦਸਤ ਦੱਸਿਆ ਜਾ ਰਿਹਾ ਕਿ ਆਲੇ-ਦੁਆਲੇ ਦੀਆਂ ਦੁਕਾਨਾਂ ਦੇ ਸ਼ੀਸ਼ੇ ਤੱਕ ਚਕਨਾਚੂਰ ਹੋ ਗਏ। ਇਹ ਧਮਾਕਾ ਮੰਡੀ ਮਾਰਕੀਟ ਕਮੇਟੀ ਦੇ ਦਫ਼ਤਰ ਨੇੜੇ ਸਥਿਤ ਦੁਕਾਨ ਨੰਬਰ 5 ਦੀ ਬੇਸਮੈਂਟ ਵਿੱਚ ਸਿਲੰਡਰ ਦੇ ਫਟਣ ਨਾਲ ਹੋਇਆ।
ਜਾਣਕਾਰੀ ਅਨੁਸਾਰ ਦੁਕਾਨ ਦੇ ਕੋਲ ਇੱਕ ਵਿਅਕਤੀ ਬਹਿ ਕੇ ਬੀੜੀ ਪੀ ਰਿਹਾ ਸੀ ਤੇ ਦੁਕਾਨ ਦੀ ਬੇਸਮੈਂਟ ‘ਚ 3-4 ਸਿਲੰਡਰ ਪਏ ਹੋਏ ਸਨ। ਬਲਾਸਟ ਮਗਰੋਂ ਇਸ ਸ਼ਖ਼ਸ ਬੁਰੀ ਤਰ੍ਹਾਂ ਝੁਲਸ ਗਿਆ। ਖ਼ਦਸ਼ਾ ਜਤਾਇਆ ਜਾ ਰਿਹਾ ਕਿ ਇੱਕ ਸਿਲੰਡਰ ਲੀਕ ਹੋਣ ਕਾਰਣ ਤੀਲੀ ਬਾਲਦੇ ਦੀ ਧਮਾਕਾ ਹੋ ਗਿਆ। ਗੰਭੀਰ ਜ਼ਖਮੀ ਹੋਣ ਵਾਲੇ ਸ਼ਖ਼ਸ ਦੀ ਪਛਾਣ ਗੁਲਸ਼ਨ ਕੁਮਾਰ ਵਜੋਂ ਹੋਈ ਹੈ। ਜਿਸ ਨੂੰ ਇਲਾਜ ਲਈ ਜਲੰਧਰ ਦੇ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਵਿਅਕਤੀ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ।
