Breaking- ਅਹਿਮ ਖਬਰ – ਭੇਤਭਰੀ ਹਾਲਤ ਵਿਚ ਗੱਡੀ ਵਿਚੋਂ ਮਿਲੀ ਲਾਸ਼, ਮਾਮਲਾ ਦਰਜ
ਗੁਰਦਾਸਪੁਰ ,18 ਜਨਵਰੀ – (ਬਾਬੂਸ਼ਾਹੀ ਬਿਊਰੋ) ਬਟਾਲਾ ਚ ਅੱਜ ਸਵੇਰੇ ਉਸ ਵੇਲੇ ਸਨਸਨੀ ਫੇਲ ਗਈ ਜਦ ਕਾਹਨੂੰਵਾਨ ਰੋਡ ਤੇ ਪਿੰਡ ਝੜਿਆਵਾਲ ਦਾ ਰਹਿਣ ਵਾਲੇ ਨੌਜਵਾਨ ਪ੍ਰਕਾਸ਼ ਸਿੰਘ ( 28 ਸਾਲ ) ਦੀ ਲਾਸ਼ ਸੜਕ ਕਿਨਾਰੇ ਉਸਦੀ ਆਪਣੀ ਗੱਡੀ ਚ ਭੇਦਭਰੇ ਹਾਲਤ ਚ ਹੋਣ ਦੀ ਸੂਚਨਾ ਪੁਲਿਸ ਨੂੰ ਮਿਲੀ। ਉਥੇ ਹੀ ਮੌਕੇ ਤੇ ਪਹੁੰਚ ਪੁਲਿਸ ਨੇ ਉਕਤ ਨੌਜਵਾਨ ਦੀ ਪਹਿਚਾਣ ਕਰ ਪਰਿਵਾਰ ਨੂੰ ਸੂਚਨਾ ਦਿਤੀ ਅਤੇ ਮੌਕੇ ਤੇ ਪਹੁਚੀ ਮ੍ਰਿਤਕ ਪ੍ਰਕਾਸ਼ ਸਿੰਘ ਦੀ ਮਾਂ ਦਾ ਰੋ ਰੋ ਬੁਰਾ ਹਾਲ ਸੀ | ਉਥੇ ਹੀ ਮੌਕੇ ਤੇ ਪਹੁਚੇ ਪੁਲਿਸ ਥਾਣਾ ਸਿਵਲ ਲਾਈਨ ਦੇ ਇੰਚਾਰਜ ਕੁਲਵੰਤ ਸਿੰਘ ਨੇ ਦੱਸਿਆ ਕਿ ਬਟਾਲਾ – ਕਾਹਨੂੰਵਾਨ ਰੋਡ ਤੇ ਭੇਦਭਰੇ ਹਾਲਤ ਚ ਗੱਡੀ ਚ ਲਾਸ਼ ਹੋਣ ਦੀ ਸੂਚਨਾ ਉਹਨਾਂ ਨੂੰ ਮਿਲੀ ਸੀ ਅਤੇ ਉਹਨਾਂ ਦੀ ਪੁਲਿਸ ਪਾਰਟੀ ਮੌਕੇ ਤੇ ਪਹੁੰਚੀ ਹੈ। ਲਾਸ਼ ਨੂੰ ਕਬਜ਼ੇ ਚ ਲਿਆ ਗਿਆ ਹੈ ਅਤੇ ਪੋਸਟਮਾਰਟਮ ਲਈ ਭੇਜਿਆ ਜਾ ਰਿਹਾ ਹੈ ਅਤੇ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂਕਰ ਦਿਤੀ ਗਈ ਹੈ |
