Breaking- ਬਾਈਕ ਤੇ ਜਾਂਦਾ ਵਿਅਕਤੀ ਚਾਈਨਾ ਡੋਰ ਦੀ ਲਪੇਟ ਵਿਚ ਆਇਆ, ਬੁਰੀ ਤਰ੍ਹਾਂ ਜਖਮੀ
ਸੁਲਤਾਨਪੁਰ ਲੋਧੀ, 13 ਦਸੰਬਰ – (ਬਾਬੂਸ਼ਾਹੀ ਨੈਟਵਰਕ) ਚਾਈਨਾ ਡੋਰ ਨਾਲ ਇੱਕ ਵਿਅਕਤੀ ਦਾ ਗੱਲ ਬੁਰੀ ਤਰ੍ਹਾਂ ਨਾਲ ਕੱਟ ਗਿਆ। ਇਹ ਹਾਦਸਾ ਸੁਲਤਾਨਪੁਰ ਲੋਧੀ ਦੀ ਚੰਡੀਗੜ੍ਹ ਬਸਤੀ ਨੇੜੇ ਗਿਲਾਂ ਰੋਡ ਤੇ ਵਾਪਰਿਆ। ਸਥਾਨਕ ਚਰਚ ਵਿਖੇ ਮੱਥਾ ਟੇਕ ਕੇ ਜਤਿੰਦਰ ਕੁਮਾਰ ਉਰਫ ਸੋਢੀ ਵਾਸੀ ਸੁਲਤਾਨਪੁਰ ਦਿਹਾਤੀ (ਚੰਡੀਗੜ੍ਹ ਬਸਤੀ) ਆਪਣੀ ਪਤਨੀ ਨਾਲ ਦੋਪਹੀਆ ਵਾਹਨ ’ਤੇ ਘਰ ਪਰਤ ਰਿਹਾ ਸੀ।
ਇਸ ਦੌਰਾਨ ਅਚਾਨਕ ਉਹ ਚਾਈਨਾ ਡੋਰ ਦੀ ਲਪੇਟ ‘ਚ ਆਉਣ ਨਾਲ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ। ਖੂਨ ਨਾਲ ਲੱਥਪੱਥ ਜਤਿੰਦਰ ਨੂੰ ਲੋਕਾਂ ਨੇ ਸਥਾਨਕ ਸਿਵਲ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮੁਢਲੀ ਡਾਕਟਰੀ ਸਹਾਇਤਾ ਦੇ ਕੇ ਰੈਫਰ ਕਰ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਬਾਈਕ ਤੇ ਪਿੱਛੇ ਜਤਿੰਦਰ ਦੀ ਪਤਨੀ ਨੇ ਇਕ ਛੋਟੀ ਬੱਚੀ ਨੂੰ ਚੁੱਕਿਆ ਹੋਇਆ ਸੀ ਉਹ ਵੀ ਇਸ ਘਟਨਾ ਦੌਰਾਨ ਜ਼ਖਮੀ ਹੋਈ ਹੈ।