Breaking- ਮੁੱਖ ਮੰਤਰੀ ਪੰਜਾਬ ਨੇ ਕਿਹਾ ਉਦਯੋਗ ਅਤੇ ਸਾਮਾਨ ਲਿਆਉਣ ਲਈ ਉਹ ਭਾਰਤੀ ਰੇਲਵੇ ਕੋਲੋ ਟ੍ਰੇਨਾਂ ਖਰੀਦਣਗੇ
ਚੰਡੀਗੜ, 27 ਅਗਸਤ – ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਜਲਦ ਹੀ ਰੇਲਵੇ ਤੋਂ ਤਿੰਨ ਮਾਲ ਗੱਡੀਆਂ ਖਰੀਦੇਗੀ। ਇਸ ਨਾਲ ਪੰਜਾਬ ਰੇਲਵੇ ਤੋਂ ਮਾਲ ਗੱਡੀਆਂ ਖਰੀਦਣ ਵਾਲਾ ਦੇਸ਼ ਦਾ ਪਹਿਲਾ ਸੂਬਾ ਬਣ ਜਾਵੇਗਾ। ਭਗਵੰਤ ਮਾਨ ਨੇ ਮੁਹਾਲੀ ਵਿਚ ਐਸੋਚੈਮ ਦੇ ਇਕ ਪ੍ਰੋਗਰਾਮ ਦੌਰਾਨ ਇਹ ਐਲਾਨ ਕੀਤਾ ਸੀ।
ਭਗਵੰਤ ਮਾਨ ਨੇ ਕਿਹਾ, “ਰੇਲਵੇ ਦੀ ਇਕ ਸਕੀਮ ਹੈ ਜਿਸ ਤਹਿਤ ਉਹ 3% ਦੀ ਦਰ ਨਾਲ ਲੋਨ ਦਿੰਦੇ ਹਨ। 350 ਕਰੋੜ ਦੀ ਪੂਰੀ ਮਾਲ ਗੱਡੀ ਉਪਲਬਧ ਹੈ। ਜੇਕਰ ਇੰਡਸਟਰੀ ਦੇ ਲੋਕ ਸਾਡੇ ਨਾਲ ਮਿਲ ਕੇ ਗੱਲ ਕਰਨਗੇ ਤਾਂ ਅਸੀਂ 3 ਟਰੇਨਾਂ ਖਰੀਦਾਂਗੇ। ਇਸ ਦਾ ਨਾਂ ‘ਪੰਜਾਬ ਆਨ ਵ੍ਹੀਲਜ਼’ ਹੋਵੇਗਾ। ਇਸ ਵਿਚ ਉਦਯੋਗਾਂ ਦੇ ਲੋਕਾਂ ਦੇ ਆਪਣੇ ਰੈਕ ਹੋਣਗੇ। ਪੰਜਾਬ ਦੇਸ਼ ਦਾ ਪਹਿਲਾ ਸੂਬਾ ਹੋਵੇਗਾ ਜਿਸ ਕੋਲ ਆਪਣੀਆਂ ਮਾਲ ਗੱਡੀਆਂ ਹਨ। ਇੱਥੋਂ ਜਾਂਦੇ ਸਮੇਂ ਟਰੈਕਟਰ ਲੈ ਜਾਣਗੇ। ਵਾਪਸ ਆ ਕੇ ਉਹ ਦਰਾਮਦਕਾਰਾਂ ਦਾ ਸਾਮਾਨ ਲੈ ਕੇ ਆਉਣਗੇ। ਜਦੋਂ ਕੋਲੇ ਦੀ ਲੋੜ ਹੋਵੇਗੀ, ਅਸੀਂ ਕੋਲਾ ਲਿਆਵਾਂਗੇ।
