ਅੰਮ੍ਰਿਤਸਰ, 13 ਜੂਨ – (ਪੰਜਾਬ ਡਾਇਰੀ) ਪਿਛਲੇ ਦੋ ਦਿਨਾਂ ਤੋਂ ਲਗਾਤਾਰ ਹੀ ਅੰਮ੍ਰਿਤਸਰ ਵਿਚ ਕਤਲ ਅਤੇ ਗੋਲੀ ਚੱਲਣ ਦੀਆਂ ਵਾਰਦਾਤਾਂ ਦੀ ਸੂਚਨਾ ਪ੍ਰਾਪਤ ਹੋ ਰਹੀ ਹੈ। ਉਥੇ ਹੀ ਰਾਤ 9 ਵਜੇ ਦੇ ਕਰੀਬ ਇਕ ਸੋਨੂੰ ਸਿਲੰਡਰ ਨਾਮਕ ਨੌਜਵਾਨ ਵੱਲੋਂ ਗੋਲੀਆਂ ਚਲਾਉਣ ਦੀ ਵਾਰਦਾਤ ਦਾ ਪਤਾ ਚੱਲਿਆ। ਜਿਸ ਤੋਂ ਬਾਅਦ ਪੁਲਸ ਮੌਕੇ ਤੇ ਪਹੁੰਚੀ ਅਤੇ ਉਸ ਵੱਲੋਂ ਗੋਲੀਆਂ ਦੇ ਖੋਲ ਵੀ ਬਰਾਮਦ ਕੀਤੇ ਗਏ ਹਨ। ਉਥੇ ਹੀ ਰੇਲਵੇ ਪੁਲਸ ਅਤੇ ਪੰਜਾਬ ਪੁਲਸ ਮਿਲ ਕੇ ਇਸ ਦੀ ਇਕੱਠੀ ਕਾਰਵਾਈ ਕਰਨ ਦੀ ਗੱਲ ਕਹਿ ਰਹੀ ਹੈ।
ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਮਮਤਾ ਨਾਮਕ ਔਰਤ ਨੇ ਦੱਸਿਆ ਕਿ ਉਹ ਆਪਣੇ ਬੱਚਿਆਂ ਨੂੰ ਗੋਲਗੱਪੇ ਖਾਣ ਵਾਸਤੇ ਬਾਜ਼ਾਰ ਲੈ ਕੇ ਆਈ ਸੀ ਤਾਂ ਉਸਨੇ ਦੇਖਿਆ ਕਿ ਸੋਨੂੰ ਸਿਲੰਡਰ ਨਾਮਕ ਵਿਅਕਤੀ ਰੇਲਵੇ ਲਾਈਨਾਂ ਦੇ ਉੱਤੇ ਸ਼ਰ੍ਹੇਆਮ ਉਸ ਦੇ ਦਿਓਰ ਦੇ ਉੱਤੇ ਫਾਇਰ ਕੀਤੇ। ਜਿਸ ਵਿੱਚ ਕਿ ਉਸ ਦੇ ਦਿਓਰ ਨੇ ਆਪਣੀ ਜਾਨ ਬਚਾ ਕੇ ਭੱਜ ਗਿਆ ਅਤੇ ਸੋਨੂੰ ਸਿਲੰਡਰ ਵੀ ਚਾਰ ਫਾਇਰ ਕਰਨ ਤੋਂ ਬਾਅਦ ਭੱਜ ਗਿਆ। ਇਸ ਦੇ ਨਾਲ ਹੀ ਮਮਤਾ ਨੇ ਕਿਹਾ ਕਿ ਸੋਨੂੰ ਸਿਲੰਡਰ ਨਾਮਕ ਵਿਅਕਤੀ ਇਲਾਕੇ ਵਿਚ ਬਦਮਾਸ਼ੀ ਕਰਦਾ ਹੈ ਤੇ ਅਕਸਰ ਹੀ ਲੋਕਾਂ ਨਾਲ ਲੜਾਈ ਝਗੜੇ ਕਰਦਾ ਹੈ ਅਤੇ ਅੱਜ ਵੀ ਉਹ ਗੋਲੀ ਚਲਾ ਕੇ ਭੱਜ ਗਿਆ। ਇਸ ਮੌਕੇ ਰੇਲਵੇ 22 ਨੰਬਰ ਫਾਟਕ ਦੇ ਗੇਟਮੈਨ ਨੇ ਕਿਹਾ ਕਿ ਉਸ ਨੇ ਆਪਣੇ ਅੱਖੀਂ ਦੇਖਿਆ ਕਿ ਇਕ ਨੌਜਵਾਨ ਫਾਟਕ ਦੇ ਉਪਰ ਆ ਕੇ ਚਾਰ ਫਾਇਰ ਕਰਕੇ ਮੌਕੇ ਤੋਂ ਫ਼ਰਾਰ ਹੋ ਜਾਂਦਾ ਹੈ ਜਿਸ ਦੀ ਉਸ ਨੇ ਸੂਚਨਾ ਪੁਲੀਸ ਨੂੰ ਦਿੱਤੀ।
ਇਸ ਮੌਕੇ ਮੌਕੇ ਤੇ ਪਹੁੰਚੇ ਥਾਣਾ ਇਸਲਾਮਾਬਾਦ ਦੀ ਪੁਲਸ ਨੇ ਦੱਸਿਆ ਕਿ ਇੱਥੇ ਆ ਕੇ ਪਤਾ ਲੱਗਿਆ ਕਿ ਸੋਨੂੰ ਸਿਲੰਡਰ ਨਾਮਕ ਵਿਅਕਤੀ ਵਲੋਂ ਗੋਲੀਆਂ ਚਲਾਈਆਂ ਗਈਆਂ ਹਨ ਫਿਲਹਾਲ ਮਾਮਲੇ ਦੀ ਜਾਂਚ ਕੀਤੀ ਜ਼ਰੀਏ ਤੇ ਮਾਮਲਾ ਦਰਜ ਕਰਕੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਜਾਵੇਗੀ।
Breaking News-ਫਿਰ ਚੱਲੀਆਂ ਗੋਲੀਆਂ
