Breaking News- CM ਮਾਨ ਨਾਲ ਹੋਈ ਮੀਟਿੰਗ ਮਗਰੋ ਡੀਜੀਪੀ ਦਾ ਬਿਆਨ, ਗੈਂਗਸਟਰਾਂ ਦੇ ਖਾਤਮੇ ਲਈ ਚੱਲਦੀ ਰਹੇਗੀ ਜੰਗ
ਚੰਡੀਗੜ੍ਹ, 21 ਜੁਲਾਈ – (ਪੰਜਾਬ ਡਾਇਰੀ) ਸੀਐਮ ਭਗਵੰਤ ਮਾਨ ਦੇ ਵਲੋਂ ਅੱਜ ਡੀਜੀਪੀ ਗੌਰਵ ਯਾਦਵ ਅਤੇ ਏਜੀਟੀਐਫ ਦੇ ਚੀਫ ਪ੍ਰਮੋਧ ਬਾਨ ਨਾਲ ਮੀਟਿੰਗ ਕੀਤੀ। ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਹੋਇਆ ਡੀਜੀਪੀ ਗੌਰਵ ਯਾਦਵ ਨੇ ਕਿਹਾ ਕਿ, ਬੀਤੇ ਕੱਲ੍ਹ ਪੁਲਿਸ ਮੁਕਾਬਲੇ ਵਿਚ ਮਾਰੇ ਗਏ ਗੈਂਗਸਟਰਾਂ ਬਾਰੇ ਸੀਐਮ ਨੂੰ ਜਾਣਕਾਰੀ ਦਿੱਤੀ ਗਈ ਅਤੇ ਪੰਜਾਬ ਵਿਚੋਂ ਗੈਂਗਸਟਰਾਂ ਨੂੰ ਖ਼ਤਮ ਕਰਨ ਬਾਰੇ ਰਿਵੀਊ ਕੀਤਾ ਗਿਆ।
ਉਨ੍ਹਾਂ ਕਿਹਾ ਕਿ, ਗੈਂਗਸਟਰਾਂ ਖਿਲਾਫ਼ ਇਹ ਜੰਗ ਜਾਰੀ ਰਹੇਗੀ। ਇਸ ਤੋਂ ਇਲਾਵਾ ਡੀਜੀਪੀ ਨੇ ਕਿਹਾ ਕਿ, ਮਾਰੇ ਗਏ ਗੈਂਗਸਟਰਾਂ ਦੇ ਕੋਲੋਂ ਏਕੇ 47 ਅਤੇ ਪਿਸਟਲ ਜੋ ਬਰਾਮਦ ਹੋਇਆ ਹੈ, ਉਹਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਗੈਂਗਸਟਰਾਂ ਵਲੋਂ ਵਰਤੀ ਗਈ ਏ.ਕੇ. 47 ਫੋਰੈਂਸਿਕ ਜਾਂਚ ਲਈ ਭੇਜੀ ਗਈ ਹੈ।
