“ਬਹੁਤੇ ਗੌਂ ਦੇ ਯਾਰ ਨੇ ਇਥੇ”
Advertisement
ਕਈ ਮੌਜਾਂ ਖੁਸ਼ੀਆਂ ਬੁੱਲੇ ਵੱਢਦੇ,
ਕਈ ਦੁਖੀ ਬੜੇ ਲਾਚਾਰ ਨੇ ਇਥੇ।
ਕਈ ਬੰਦੇ ਬੇਕਾਰ ਨੇ ਇਥੇ,
ਧਰਤੀ ਉੱਤੇ ਭਾਰ ਨੇ ਇਥੇ।
ਕਈਆਂ ਨੇੜ ਨਾ ਆਏ ਬੀਮਾਰੀ,
ਕਈ ਦਿਸਦੇ ਈ ਬੀਮਾਰ ਨੇ ਇਥੇ।
ਕਈਆਂ ਦੀ ਕੋਈ ਪੁੱਛ ਦੱਸ ਨਾ,
ਕਈਆਂ ਦੇ ਸਤਿਕਾਰ ਨੇ ਇਥੇ।
ਰੱਬ ਨਾ ਚੇਤੇ ਕਈਆਂ ਦੇ ਤਾਂ,
ਕਈ ਦੁਖੀ ਬੜੇ ਪਰਿਵਾਰ ਨੇ ਇਥੇ।
ਕਈ ਨੀਲੀ ਛੱਤ ਦੇ ਹੇਠਾਂ ਰਹਿੰਦੇ,
ਕਈਆਂ ਦੇ ਘਰ ਬਾਰ ਨੇ ਇਥੇ।
ਲੁਕ ਲੁਕ ਕੇ ਕਈ ਜਿਓਂਣ ਜ਼ਿੰਦਗੀ
ਕਈ ਕਰਦੇ ਮਾਰੋ ਮਾਰ ਨੇ ਇਥੇ।
ਕਈ ਜਿਵੇਂ ਆਉਂਦੇ ਨੇ ਓਵੇਂ ਜਾਂਦੇ,
ਕਈਆਂ ਦੇ ਬੜੇ ਯਾਰ ਨੇ ਇਥੇ।
ਇਥੇ ਧਰਮੀਂ ਲੋਕ ਨੇ ਟਾਂਵੇਂ ਟਾਂਵੇਂ,
ਬਹੁਤੇ ਤਾਂ ਗੁਨਾਹਗਾਰ ਨੇ ਇਥੇ।
ਦੱਦਾਹੂਰੀਆ ਦੜ ਵੱਟ ਲੈ ਤੂੰ,
ਬਹੁਤੇ ਗੌਂ ਦੇ ਯਾਰ ਨੇ ਇਥੇ।
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691-49556
Advertisement
