Tuesday, November 17, 2026
Google search engine
Homeਖੇਡਾਂਕ੍ਰਿਕਟ ਦੇ ਮੈਦਾਨ ’ਚ ਹੁਣ ਨਵੇਂ ਅੰਦਾਜ਼ ’ਚ ਨਜ਼ਰ ਆਉਣਗੇ ਧੋਨੀ, CSK...

ਕ੍ਰਿਕਟ ਦੇ ਮੈਦਾਨ ’ਚ ਹੁਣ ਨਵੇਂ ਅੰਦਾਜ਼ ’ਚ ਨਜ਼ਰ ਆਉਣਗੇ ਧੋਨੀ, CSK ਨੇ ਬਦਲੀ ਸਾਬਕਾ ਕਪਤਾਨ ਦੀ ਭੂਮਿਕਾ

ਕ੍ਰਿਕਟ ਦੇ ਮੈਦਾਨ ’ਚ ਹੁਣ ਨਵੇਂ ਅੰਦਾਜ਼ ’ਚ ਨਜ਼ਰ ਆਉਣਗੇ ਧੋਨੀ, CSK ਨੇ ਬਦਲੀ ਸਾਬਕਾ ਕਪਤਾਨ ਦੀ ਭੂਮਿਕਾ

ਪੰਜ IPL ਖ਼ਿਤਾਬ ਜਿਤਾਉਣ ਵਾਲੇ ‘ਥਾਲਾ’ ਹੁਣ ਨੌਜਵਾਨ ਖਿਡਾਰੀਆਂ ਨੂੰ ਦੇਣਗੇ ਸੇਧ; ਟੀਮ ਮਾਲਕ ਐਨ. ਸ਼੍ਰੀਨਿਵਾਸਨ ਨੇ ਧੋਨੀ ਨਾਲ ਜੁੜੀਆਂ ਪੁਰਾਣੀਆਂ ਯਾਦਾਂ ਕੀਤੀਆਂ ਸਾਂਝੀਆਂ

ਦਿੱਲੀ- ਚੇਨਈ ਸੁਪਰ ਕਿੰਗਜ਼ ਦੇ ਦਿੱਗਜ ਖਿਡਾਰੀ ਅਤੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੇ IPL ਸਫ਼ਰ ਵਿੱਚ ਨਵਾਂ ਮੋੜ ਆ ਗਿਆ ਹੈ। ਧੋਨੀ ਨੇ IPL ਤੋਂ ਸੰਨਿਆਸ ਲੈਣ ਦਾ ਫ਼ੈਸਲਾ ਕੀਤਾ ਹੈ। ਉਨ੍ਹਾਂ ਦੀ ਅਗਵਾਈ ਹੇਠ ਚੇਨਈ ਦੀ ਟੀਮ ਪੰਜ ਵਾਰ IPL ਚੈਂਪੀਅਨ ਬਣੀ। ਹੁਣ ਉਹ ਮੈਦਾਨ ਵਿੱਚ ਖਿਡਾਰੀ ਵਜੋਂ ਨਹੀਂ, ਸਗੋਂ ਮੈਂਟਰ ਅਤੇ ਟੀਮ ਸਲਾਹਕਾਰ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ।

ਧੋਨੀ ਦੇ ਇਸ ਫ਼ੈਸਲੇ ਤੋਂ ਬਾਅਦ ਚੇਨਈ ਸੁਪਰ ਕਿੰਗਜ਼ ਨੇ ਸੋਸ਼ਲ ਮੀਡੀਆ ’ਤੇ ਭਾਵੁਕ ਸੁਨੇਹਾ ਸਾਂਝਾ ਕੀਤਾ। ਫਰੈਂਚਾਇਜ਼ੀ ਨੇ ਉਨ੍ਹਾਂ ਨੂੰ ਅਜਿਹੀ ਸ਼ਖ਼ਸੀਅਤ ਕਰਾਰ ਦਿੱਤਾ, ਜਿਸ ਵਰਗਾ ਖਿਡਾਰੀ ਵਾਰ-ਵਾਰ ਪੈਦਾ ਨਹੀਂ ਹੁੰਦਾ।

ਖਿਡਾਰੀ ਤੋਂ ਸਲਾਹਕਾਰ ਬਣ ਕੇ ਨਵੀਂ ਪੀੜ੍ਹੀ ਨੂੰ ਕਰਨਗੇ ਤਿਆਰ

ਚੇਨਈ ਸੁਪਰ ਕਿੰਗਜ਼ ਨੇ ਆਪਣੀ ਪੋਸਟ ਵਿੱਚ ਧੋਨੀ ਦੇ ਯੋਗਦਾਨ ਨੂੰ ਯਾਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਟੀਮ ਨੂੰ ਕਈ ਵੱਡੀਆਂ ਜਿੱਤਾਂ ਦਿਵਾਈਆਂ ਅਤੇ ਔਖੇ ਸਮੇਂ ਵਿੱਚ ਵੀ ਟੀਮ ਦਾ ਹੌਸਲਾ ਬਣਾਈ ਰੱਖਿਆ। ਫਰੈਂਚਾਇਜ਼ੀ ਮੁਤਾਬਕ, ਧੋਨੀ ਨੇ CSK ਨੂੰ ਕਾਮਯਾਬੀ ਦੀਆਂ ਬੁਲੰਦੀਆਂ ਤੱਕ ਪਹੁੰਚਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ।

ਹੁਣ ਉਹ ਟੀਮ ਦੀ ਅਗਲੀ ਪੀੜ੍ਹੀ ਦੇ ਖਿਡਾਰੀਆਂ ਨੂੰ ਆਪਣੇ ਤਜਰਬੇ ਨਾਲ ਮਾਰਗਦਰਸ਼ਨ ਦੇਣਗੇ। CSK ਨੇ ਸਪੱਸ਼ਟ ਕੀਤਾ ਕਿ ਧੋਨੀ ਭਾਵੇਂ ਖਿਡਾਰੀ ਵਜੋਂ ਟੀਮ ਦਾ ਹਿੱਸਾ ਨਾ ਰਹਿਣ, ਪਰ ਉਨ੍ਹਾਂ ਦਾ ਚੇਨਈ ਨਾਲ ਰਿਸ਼ਤਾ ਹਮੇਸ਼ਾ ਕਾਇਮ ਰਹੇਗਾ।

ਸ਼੍ਰੀਨਿਵਾਸਨ ਬੋਲੇ- ਧੋਨੀ ਤੋਂ ਬਿਨਾਂ ਚੇਨਈ ਦੀ ਪਛਾਣ ਅਧੂਰੀ

CSK ਦੇ ਮਾਲਕ ਐਨ. ਸ਼੍ਰੀਨਿਵਾਸਨ ਨੇ ਧੋਨੀ ਦੇ ਸੰਨਿਆਸ ’ਤੇ ਕਿਹਾ ਕਿ ਉਨ੍ਹਾਂ ਤੋਂ ਬਿਨਾਂ ਚੇਨਈ ਸੁਪਰ ਕਿੰਗਜ਼ ਦੀ ਕਲਪਨਾ ਕਰਨੀ ਮੁਸ਼ਕਲ ਹੈ। ਉਨ੍ਹਾਂ ਮੁਤਾਬਕ, ਕਰੀਬ ਦੋ ਦਹਾਕਿਆਂ ਤੋਂ ਧੋਨੀ ਅਤੇ ਫਰੈਂਚਾਇਜ਼ੀ ਨੇ ਜਿੱਤਾਂ, ਹਾਰਾਂ ਅਤੇ ਕਈ ਮੁਸ਼ਕਲ ਦੌਰ ਇਕੱਠੇ ਦੇਖੇ ਹਨ।

ਸ਼੍ਰੀਨਿਵਾਸਨ ਨੇ ਦੱਸਿਆ ਕਿ ਸਾਲ 2008 ਵਿੱਚ ਉਨ੍ਹਾਂ ਨੇ ਧੋਨੀ ਨੂੰ ਚੇਨਈ ਦੀ ਟੀਮ ਵਿੱਚ ਸ਼ਾਮਲ ਕਰਨ ਲਈ ਜ਼ੋਰ ਦਿੱਤਾ ਸੀ। ਉਨ੍ਹਾਂ ਦਾ ਇਹ ਫ਼ੈਸਲਾ ਫਰੈਂਚਾਇਜ਼ੀ ਦੇ ਇਤਿਹਾਸ ਦੇ ਸਭ ਤੋਂ ਸਫ਼ਲ ਫ਼ੈਸਲਿਆਂ ਵਿੱਚੋਂ ਇੱਕ ਸਾਬਤ ਹੋਇਆ।

ਉਨ੍ਹਾਂ ਕਿਹਾ ਕਿ ਧੋਨੀ ਦੀ ਅਹਿਮੀਅਤ ਸਿਰਫ਼ ਜਿੱਤੇ ਹੋਏ ਖ਼ਿਤਾਬਾਂ ਕਰਕੇ ਨਹੀਂ, ਬਲਕਿ ਉਨ੍ਹਾਂ ਦੇ ਸੁਭਾਅ, ਸਮਰਪਣ ਅਤੇ ਭਰੋਸੇ ਕਰਕੇ ਵੀ ਹੈ। ਧੋਨੀ ਹਮੇਸ਼ਾ ਚੇਨਈ ਸੁਪਰ ਕਿੰਗਜ਼ ਦੀ ਪਛਾਣ ਰਹਿਣਗੇ ਅਤੇ ਚੇਨਈ ਉਨ੍ਹਾਂ ਦਾ ਘਰ ਬਣਿਆ ਰਹੇਗਾ।

-(ਟੀਵੀ 9 ਪੰਜਾਬੀ)

ਨੋਟ– ਤਾਜ਼ੀਆਂ ਖ਼ਬਰਾਂ ਪੰਜਾਬੀ ਵਿੱਚ ਸਭ ਤੋਂ ਪਹਿਲਾਂ ਪੰਜਾਬ ਡਾਇਰੀ ‘ਤੇ ਪੜ੍ਹੋ। ਸਭ ਤੋਂ ਭਰੋਸੇਮੰਦ ਵੈੱਬਸਾਈਟ ਬਾਲੀਵੁੱਡ, ਜੀਵਨਸ਼ੈਲੀ ਅਤੇ ਖੇਡਾਂ ਨਾਲ ਸਬੰਧਤ ਖਬਰਾਂ ਇਸ ਲਿੰਕ https://punjabdiary.com/ ‘ਤੇ ਜਾ ਕੇ ਪੜ੍ਹੋ।

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments