WhatsApp ’ਤੇ ਚੈਟਿੰਗ ਰਹੇਗੀ ਮੁਫ਼ਤ, ਪਰ ਕੰਪਨੀਆਂ ਨੂੰ ਦੇਣਾ ਪਵੇਗਾ ਮੈਸੇਜ ਦਾ ਚਾਰਜ; ਅੱਜ ਤੋਂ ਅਕਤੂਬਰ ਤੋਂ ਨਵਾਂ ਨਿਯਮ
ਨਵੇਂ ਪ੍ਰਬੰਧ ਤਹਿਤ WhatsApp Business ਪਲੇਟਫਾਰਮ ਦੀ ਵਰਤੋਂ ਕਰਨ ਵਾਲੀਆਂ ਕੰਪਨੀਆਂ ਨੂੰ ਕੁਝ ਕਿਸਮ ਦੇ ਸੁਨੇਹੇ ਭੇਜਣ ਲਈ ਪ੍ਰਤੀ ਮੈਸੇਜ ਭੁਗਤਾਨ ਕਰਨਾ ਪਵੇਗਾ।
ਨਵੀਂ ਦਿੱਲੀ
WhatsApp ਦੀ ਵਰਤੋਂ ਕਰਨ ਵਾਲੇ ਆਮ ਯੂਜ਼ਰਾਂ ਲਈ ਕੋਈ ਵੱਡਾ ਬਦਲਾਅ ਨਹੀਂ ਹੋਣ ਜਾ ਰਿਹਾ, ਪਰ WhatsApp Business ਪਲੇਟਫਾਰਮ ਰਾਹੀਂ ਗਾਹਕਾਂ ਨੂੰ ਸੁਨੇਹੇ ਭੇਜਣ ਵਾਲੀਆਂ ਕੰਪਨੀਆਂ ਲਈ 1 ਅਕਤੂਬਰ 2026 ਤੋਂ ਨਵੀਂ ਚਾਰਜਿੰਗ ਵਿਵਸਥਾ ਲਾਗੂ ਹੋਵੇਗੀ। Meta ਵੱਲੋਂ ਬਿਜ਼ਨਸ ਮੈਸੇਜਿੰਗ ਦੀਆਂ ਦਰਾਂ ਵਿੱਚ ਬਦਲਾਅ ਕੀਤਾ ਜਾ ਰਿਹਾ ਹੈ।
ਨਵੇਂ ਪ੍ਰਬੰਧ ਤਹਿਤ WhatsApp Business ਪਲੇਟਫਾਰਮ ਦੀ ਵਰਤੋਂ ਕਰਨ ਵਾਲੀਆਂ ਕੰਪਨੀਆਂ ਨੂੰ ਕੁਝ ਕਿਸਮ ਦੇ ਸੁਨੇਹੇ ਭੇਜਣ ਲਈ ਪ੍ਰਤੀ ਮੈਸੇਜ ਭੁਗਤਾਨ ਕਰਨਾ ਪਵੇਗਾ। ਇਸ ਵਿੱਚ ਆਰਡਰ ਦੀ ਪੁਸ਼ਟੀ, ਡਿਲੀਵਰੀ ਅਪਡੇਟ ਅਤੇ ਹੋਰ ਉਪਯੋਗਤਾ ਨਾਲ ਸਬੰਧਤ ਸੁਨੇਹੇ ਸ਼ਾਮਲ ਹਨ।
ਆਮ WhatsApp ਯੂਜ਼ਰਾਂ ’ਤੇ ਨਹੀਂ ਪਵੇਗਾ ਅਸਰ
ਇਸ ਬਦਲਾਅ ਦਾ ਸਿੱਧਾ ਪ੍ਰਭਾਵ ਆਮ WhatsApp ਉਪਭੋਗਤਾਵਾਂ ’ਤੇ ਨਹੀਂ ਹੋਵੇਗਾ। ਦੋਸਤਾਂ ਅਤੇ ਪਰਿਵਾਰਕ ਮੈਂਬਰਾਂ ਨੂੰ ਸੁਨੇਹੇ ਭੇਜਣ ਲਈ ਪਹਿਲਾਂ ਵਾਂਗ ਕੋਈ ਵੱਖਰਾ ਚਾਰਜ ਨਹੀਂ ਦੇਣਾ ਪਵੇਗਾ। ਇਸੇ ਤਰ੍ਹਾਂ ਕਿਸੇ ਕੰਪਨੀ ਦੇ WhatsApp Business ਖਾਤੇ ਨਾਲ ਗੱਲਬਾਤ ਕਰਨ ਵਾਲੇ ਗਾਹਕਾਂ ਤੋਂ ਵੀ ਇਸ ਚਾਰਜ ਦੀ ਵਸੂਲੀ ਨਹੀਂ ਕੀਤੀ ਜਾਵੇਗੀ।
ਨਵੀਂ ਚਾਰਜਿੰਗ ਮੁੱਖ ਤੌਰ ’ਤੇ ਉਨ੍ਹਾਂ ਕਾਰੋਬਾਰਾਂ ਲਈ ਹੈ ਜੋ WhatsApp Business ਪਲੇਟਫਾਰਮ ਰਾਹੀਂ ਵੱਡੀ ਗਿਣਤੀ ਵਿੱਚ ਗਾਹਕਾਂ ਨੂੰ ਸੁਨੇਹੇ ਭੇਜਦੇ ਹਨ। ਬੈਂਕਾਂ, ਆਨਲਾਈਨ ਸ਼ਾਪਿੰਗ ਕੰਪਨੀਆਂ, ਵੱਡੇ ਸਟਾਰਟਅੱਪ ਅਤੇ ਹੋਰ ਕਾਰੋਬਾਰੀ ਸੰਸਥਾਵਾਂ ਇਸ ਦੇ ਦਾਇਰੇ ਵਿੱਚ ਆ ਸਕਦੀਆਂ ਹਨ।
ਭਾਰਤ ਵਿੱਚ Utility Message ਦੀ ਦਰ
ਭਾਰਤ ਵਿੱਚ Utility Message ਲਈ Meta ਵੱਲੋਂ ਪ੍ਰਤੀ ਡਿਲੀਵਰ ਕੀਤੇ ਸੁਨੇਹੇ ਦੀ ਦਰ ₹0.115, ਯਾਨੀ 11.5 ਪੈਸੇ ਦੱਸੀ ਗਈ ਹੈ। ਇਸ ’ਤੇ 18 ਫ਼ੀਸਦੀ GST ਜੋੜਨ ਤੋਂ ਬਾਅਦ ਖਰਚਾ ਕਰੀਬ 14 ਪੈਸੇ ਪ੍ਰਤੀ ਸੁਨੇਹਾ ਬਣਦਾ ਹੈ।
ਇਸ ਤੋਂ ਇਲਾਵਾ Marketing Message ਲਈ ਦਰ ਲਗਭਗ ₹0.8631 ਪ੍ਰਤੀ ਸੁਨੇਹਾ ਦੱਸੀ ਗਈ ਹੈ। Authentication Message, ਜਿਸ ਵਿੱਚ OTP ਵਰਗੇ ਸੁਨੇਹੇ ਸ਼ਾਮਲ ਹੁੰਦੇ ਹਨ, ਲਈ ਵੀ ₹0.115 ਪ੍ਰਤੀ ਸੁਨੇਹੇ ਦੀ ਦਰ ਅਤੇ ਇਸ ’ਤੇ GST ਲਾਗੂ ਹੁੰਦਾ ਹੈ।
ਪਹਿਲੇ 1,000 ਸਰਵਿਸ ਮੈਸੇਜ ਮੁਫ਼ਤ
ਨਵੇਂ ਨਿਯਮਾਂ ਮੁਤਾਬਕ ਗਾਹਕ ਸੇਵਾ ਨਾਲ ਜੁੜੇ ਸੁਨੇਹਿਆਂ ਲਈ ਹਰੇਕ ਕਾਰੋਬਾਰੀ ਫ਼ੋਨ ਨੰਬਰ ’ਤੇ ਹਰ ਮਹੀਨੇ ਪਹਿਲੇ 1,000 Service Messages ਮੁਫ਼ਤ ਰਹਿਣਗੇ। ਇਸ ਸੀਮਾ ਤੋਂ ਬਾਅਦ ਭੇਜੇ ਜਾਣ ਵਾਲੇ ਵਾਧੂ ਸੁਨੇਹਿਆਂ ’ਤੇ ਨਿਰਧਾਰਤ ਦਰ ਮੁਤਾਬਕ ਚਾਰਜ ਲਿਆ ਜਾਵੇਗਾ।
ਇਸ ਤੋਂ ਇਲਾਵਾ Facebook ’ਤੇ Click-to-WhatsApp Ads ਜਾਂ Call-to-Action Buttons ਰਾਹੀਂ ਸ਼ੁਰੂ ਹੋਈ ਗੱਲਬਾਤ ਲਈ ਮੌਜੂਦਾ 72 ਘੰਟਿਆਂ ਦੀ ਮੁਫ਼ਤ ਵਿੰਡੋ ਜਾਰੀ ਰਹੇਗੀ। ਇਸ ਮਿਆਦ ਦੌਰਾਨ ਕਾਰੋਬਾਰਾਂ ਨੂੰ ਮੈਸੇਜਿੰਗ ਚਾਰਜ ਦਾ ਭੁਗਤਾਨ ਨਹੀਂ ਕਰਨਾ ਪਵੇਗਾ।
ਇਸ ਲਈ ਜੇਕਰ ਤੁਸੀਂ ਸਿਰਫ਼ ਨਿੱਜੀ ਤੌਰ ’ਤੇ WhatsApp ਵਰਤਦੇ ਹੋ ਤਾਂ 1 ਅਕਤੂਬਰ ਤੋਂ ਤੁਹਾਡੀ ਆਮ ਚੈਟਿੰਗ ਜਾਂ ਦੋਸਤਾਂ-ਰਿਸ਼ਤੇਦਾਰਾਂ ਨੂੰ ਸੁਨੇਹੇ ਭੇਜਣ ਦੇ ਖਰਚੇ ਵਿੱਚ ਕੋਈ ਬਦਲਾਅ ਨਹੀਂ ਹੋਵੇਗਾ।
-(ਏਬੀਪੀ ਸਾਂਝਾ)
ਨੋਟ- ਤਾਜ਼ੀਆਂ ਖ਼ਬਰਾਂ ਪੰਜਾਬੀ ਵਿੱਚ ਸਭ ਤੋਂ ਪਹਿਲਾਂ ਪੰਜਾਬ ਡਾਇਰੀ ‘ਤੇ ਪੜ੍ਹੋ। ਸਭ ਤੋਂ ਭਰੋਸੇਮੰਦ ਵੈੱਬਸਾਈਟ ਬਾਲੀਵੁੱਡ, ਜੀਵਨਸ਼ੈਲੀ ਅਤੇ ਖੇਡਾਂ ਨਾਲ ਸਬੰਧਤ ਖਬਰਾਂ ਇਸ ਲਿੰਕ https://punjabdiary.com/ ‘ਤੇ ਜਾ ਕੇ ਪੜ੍ਹੋ।
